सोलापूर शहर व जिल्ह्यात 794 नवीन व्यक्तींना कोरोनाची लागण

येस न्युज मराठी नेटवर्क : सोलापूर शहरात 229 तर जिल्ह्यामध्ये 565 व्यक्तींना कोरोना झाल्याचे स्पष्ट झाले आहे. मंगळवारी रात्री बारा पर्यंत आलेल्या अहवालानुसार शहर व जिल्ह्यातील एकूण 794 व्यक्तींना नव्याने कोरोना ची बाधा झाल्याचे पालिका व जिल्हा प्रशासनाने म्हटले आहे. सोलापूर शहरात मंगळवारी रात्री बारा वाजेपर्यंत संपलेल्या चोवीस तासात नऊ जण कोरोनामुळे मृत्युमुखी पडल्याचे सोलापूर महापालिकेने प्रसिद्ध केलेल्या अहवालात म्हटले आहे .
भवानी पेठ येथील 76 वर्षाची व्यक्ती , दमानी नगर येथील 75 वर्षाची व्यक्ती, गुरूनानक चौक परिसरातील 70 वर्षाची व्यक्ती ,जुना विडी घरकुल येथील 62 वर्षाची व्यक्ती , न्यू सुनील नगर एमआयडीसी येथील 69 वर्षांची व्यक्ती , काडादी चाळ रेल्वे लाईन्स येथील 6० वर्षाची व्यक्ती ,विजापूर रोड जुळे सोलापूर येथील 68 वर्षाची व्यक्ती अशा सात पुरुषांचा कारोनामुळे मृत्यू झाला असून फलमारी झोपडपट्टी, दाजी पेठ येथील सहासष्ट वर्षांची महिला आणि रामलाल चौकातील त्र्याहत्तर वर्षाची महिला अशा दोन महिलांचा कोरोनामुळे मृत्यू ओढवला आहे . Rt-pcr टेस्टमध्ये 62 जणांना सोलापूर शहरात करून झाल्याचे निदान झाले तर रॅपिड अँटिजेन टेस्टमध्ये 167 व्यक्तींना कोरोना झाल्याचे आढळून आले. गेले चार दिवस सोलापुरातील १९ भाजी मंडयामध्ये महापालिकेने राबवलेल्या rt-pcr टेस्टमध्ये १११ भाजी विक्रेत्यांना कोरोना झाल्याचे आढळून आले. या सर्व भाजी विक्रेत्यांना पुढील उपचारासाठी रुग्णालयात दाखल करण्यात आले आहे. त्याचप्रमाणे काही जणांना घरीच क्वारंटाईन राहण्यास सांगण्यात आले आहे. सोलापूर शहरातील 167 ठिकाणी नवीन कोरोना बाधित आढळल्याचे महापालिकेने अहवालात नमूद केले आहे . सोलापूर जिल्ह्याचा विचार केला तर 565 नवीन व्यक्तींना करुणा ची बाधा झाली असून, माळशिरस तालुक्यातील ग्रामीण भागात एकाच दिवसात नवीन 105 व्यक्तींना कोरोनाची लागण झाली आहे. बार्शी 26 करमाळा ७९, मंगळवेढा 25, मोहोळ 34, उत्तर सोलापूर 15, पंढरपूर 72 सांगोला 20 अशा जिल्ह्यातील ग्रामीण भागात नव्याने ४२७ व्यक्तींना कोरोना झाल्याचे आढळून आल्याने जिल्हा प्रशासनाच्या चिंतेत भर पडली आहे. निर्बंध अधिक कडक केले असले तरी, जिल्ह्याच्या ग्रामीण भागातून अजूनही मोठ्या प्रमाणावर कोरोना बाधित आढळत असले असल्याचे जिल्हा प्रशासनाने म्हटले आहे.