येस न्युज मराठी नेटवर्क : सोलापूर तालुका पोलीस स्टेशन मंद्रूप पोलीस ठाणे कामती तसेच मोहोळ पोलिस ठाण्याच्या अंतर्गत कोरोना नियमांचे उल्लंघन करणाऱ्या विरोधात मोठी दंडात्मक कारवाई करण्यात येत आहे या चारही पोलिस ठाण्यामध्ये गेल्या आठ दिवसात मास्क न वापरणाऱ्या 654 जणांकडून दंडात्मक कारवाई करून त्यांच्याकडून तीन लाख 27 हजार रुपये दंड वसूल करण्यात आला असल्याची माहिती पोलिस उपअधीक्षक प्रभाकर शिंदे यांनी दिली .सोलापूर तालुका पोलिस ठाण्याच्या हद्दीत 213 जणांकडून 1 लाख 6 हजार रुपये, मंद्रूप पोलीस ठाण्याच्या अंतर्गत 134 जणांकडून 67 हजार रुपये ,कामती पोलिस ठाण्याच्या हद्दीत 111 जणांकडून 55 हजार पाचशे रुपये आणि मोहोळ पोलिस ठाण्याच्या अंतर्गत 196 जणांकडून 98 हजार रुपये 3 लाख 27 हजार रुपयांचा दंड वसूल करण्यात आला आहे.
मुख्यमंत्री उद्धव ठाकरे यांनी दिलेल्या आदेशानुसार सोलापूर ग्रामीण पोलीस अधीक्षक तेजस्वी सातपुते यांनी यांनी दिलेल्या आदेशानुसार सोलापूर ग्रामीण भागात मोठ्या प्रमाणावर कारवाई सुरू आहे त्यामुळे नागरिकांनी मास्कचा वापर करावा, गर्दी न करता सोशल डिस्टन्स पाळावे, सार्वजनिक ठिकाणी थुंकू नये तसेच गाडीवरून विनाकारण फिरू नये अन्यथा आपल्याविरुद्ध कारवाई करण्यात येईल असे देखील प्रभाकर शिंदे यांनी सांगितले आहे.
