जी 23 बंडखोरांचा काँग्रेसला घरचा आहेर…

येस न्युज मराठी नेटवर्क : काँग्रेस अध्यक्ष पदाचा निर्णय लवकरात लवकर करावा यासाठी हंगामी अध्यक्ष सोनिया गांधी यांना पत्र लिहिणार्‍या काँग्रेसमधील 23 नेत्यांपैकी काही जणांनी शनिवारी पुन्हा एकदा काँग्रेसला घरचा आहेर दिला आहे. आनंद शर्मा यांनी गेल्या दहा वर्षात काँग्रेस दुर्बल झाल्याचे म्हटले आहे. आम्ही मागील दाराने काँग्रेसमध्ये आलेलो नाही तर युवा चळवळीतून काँग्रेसमध्ये प्रवेश केल्याचे शर्मा यांनी ठणकावून सांगितले .कपिल सिब्बल यांनी काँग्रेस नेते राहुल गांधी यांच्या नॉर्थ – साऊथ शेरेबाजी बद्दल नाराजी व्यक्त केली. राहुल यांनी केरळमधील मतदारांची उत्तरे मधील मतदारांशी तुलना केली होती .आनंद शर्मा आणि कपिल सिब्बल यांनी काँग्रेस पक्ष गुलाम नबी आझाद यांच्या अनुभवाचा फायदा का घेत नाही , अशीही विचारणा केली. हे सर्व नेते जम्मू येथील शांती संमेलनात एकाच व्यासपीठावर उपस्थित होते. राज बब्बर यांचे देखील यावेळी भाषण झाले .राज बब्बर यांनी बंडखोरांसाठी जी 23 ही उपाधी लावल्या बाबत आश्चर्य व्यक्त केले