येस न्युज मराठी नेटवर्क : पुण्यातील मानाचा गणपती श्रीमंत दगडूशेठ हलवाई गणपती मंदिरात किरणोत्सव सोहळा सुरु आहे. गुरुवारी तिसऱ्या दिवशी सकाळी 8 वाजून 16 मिनिटांनी सूर्यकिरणांनी मंदिरातील गाभाऱ्यात प्रवेश केला. बाप्पांना स्नान घालण्यासाठी सूर्यकिरणे श्रीं च्या मूर्तीवर पडली आणि गणपती बाप्पा मोरयाचा एकच जयघोष झाला. प्रतिवर्षी माघ गणेशजन्माच्या पार्श्वभूमीवर उत्तरायणामध्ये ही सूर्यकिरणे श्रीं च्या मूर्तीवर पडतात.
