सोलापूर शहर व जिल्ह्यात कोरोनाचे 250 रुग्ण….

येस न्युज मराठी नेटवर्क : सोलापूर शहर आणि जिल्ह्यात कोरोना चे रुग्ण सातत्याने वाढत आहेत. सोमवारी रात्री बारा वाजेपर्यंत आलेल्या अहवालानुसार सोलापूर शहरात नव्याने 102 व्यक्तींना कोरोना झाल्याचे स्पष्ट झाले तर जिल्ह्यातील 147 व्यक्तींना कोरोना झाल्याचे स्पष्ट झाले आहे. सोलापूर शहरातील आयसोलेशन केलेल्या व्यक्तींपैकी १५८६ जणांचे अहवाल अद्याप प्रलंबित आहेत . सोलापूर शहरातील कुमठा नाका जवळील भाग्योदय सोसायटीतील 55 वर्षाच्या व्यक्तीचे कोरोनामुळे निधन झाले. बार्शी तालुक्यातील कापशी येथील पंचावन्न वर्षांचा व्यक्ती आणि माढा तालुक्यातील लवूळ येथील साठ वर्षांच्या महिलेचा कोरोनामुळे मृत्यू झाला सोलापूर जिल्ह्यातील बार्शी, पंढरपूर ,करमाळा माढा माळशिरस याठिकाणी कोरोनाचे रुग्ण मोठ्या प्रमाणावर आढळून आले आहेत . बार्शी शहरात 33 पंढरपूर शहर 14 करमाळा, माढा ,माळशिरस आणि पंढरपूरच्या ग्रामीण भागात अनुक्रमे 16 ,16 आणि 18 व 14 असे रुग्ण आढळून आले आहेत. सोलापूर शहराने मुलांच्या वाढीचे शतक गाठले तर जिल्ह्यातील कोरोना रुग्णांची वाढ जवळपास दीड शतकापर्यंत पोहोचल्याने प्रशासन आणि महापालिका अधिक चिंतेत पडले आहेत. महाराष्ट्रात कोरोना रुग्णांच्या वाढीचा वेग सातत्याने वाढत असल्यामुळे लॉक डाऊनबाबत कोणता निर्णय होणार याबाबत जनतेमध्ये चिंता व्यक्त होत आहे .लॉकडाऊन करण्याऐवजी निर्बंध अधिक कडक करावेत अशी प्रतिक्रिया सर्वसामान्य हातावरचे हातावरचे पोट असणाऱ्या श्रमिकांकडून व्यक्त होत आहे.