सोलापूर : महापालिका आणि जिल्हा क्रिकेट असोसिएशनच्या वतीने घेण्यात येणाऱ्या महापौर चषकाच्या टी-शर्टचे अनावरण मंगळवारी महापालिका आयुक्त पि.शिवशंकर यांच्या हस्ते करण्यात आले. यावेळी महापालिका उपयुक्त मच्छिंद्र घोलप, जिल्हा क्रिकेट असोसिएशनचे चंद्रकांत रेम्ब्बर्सू, माजी नागेश वल्याळ यांच्यासह संघाचे कर्णधार उपस्थित होते. पार्क मैदानावर महापौर चषकाचे आयोजन करण्यात आले आहे.
या महापौर चषकामध्ये आठ संघांनी सहभाग नोंदवला आहे. यामध्ये माऊली वॉरियर्स, बंसल लायन्स, स्वस्तिक किंग, आकांक्षा ईगल्स, मनोरमा मास्टर्स, सहारा रायडर्स, अजिंक्यतारा चॅलेंजर्स, आपटे टायगर या संघाचा समावेश आहे. लवकरच हा चषक सुरू होणार आहे.मंगळवारी महापालिका आयुक्तांच्या कक्षात या चषकाच्या टी-शर्टच्या अनावरण करण्यात आले. यावेळी महापालिका आयुक्तांनी या चषकास शुभेच्छा दिल्या. महापौर चषकाचे उद्घाटन पालकमंत्री राधाकृष्ण विखे पाटील यांच्या हस्ते करण्याचे नियोजन करण्यात आले आहे तसे पत्र त्यांना देण्यात आले आहे. त्याच वेळी पार्क मैदानाचेही उद्घाटन करण्यात येईल. 3 डिसेंबर रोजी महाराष्ट्र आणि सिक्कीम विरुद्धचा सराव सामना होत आहे. त्या सराव सामन्याला एमसीएच्या निर्देशाप्रमाणे या काही सुविधा लागणार आहे. महापालिकेच्या वतीने त्या लवकरात लवकर पुरवण्यात येतील असेही महापलिका आयुक्त पि.शिवशंकर यांनी दिली.
