येस न्युज मराठी नेटवर्क : सध्या कोरोनामुळे प्राणी संग्रहालयांनादेखील आर्थिक समस्येला तोंड द्यावे लागत आहे. प्राणी संग्रहालयाना प्राण्यांचा दैनंदिन खर्चाची जोडणी करणे अवघड झाले आहे. या पार्श्वभूमीवर बेळगाव ग्रामीण आमदार लक्ष्मी हेब्बाळकर यांनी भूतरामनहट्टी येथील प्राणी संग्रहालयातील एक वाघ कायमचा दत्तक घेतला आहे. लक्ष्मी हेब्बाळकर यांचे बंधू चन्नराज हट्टीहोळी यांचा मुलगा हर्षित याच्या वाढदिवसाच्या निमित्ताने लक्ष्मी हेब्बाळकर यांनी प्राणी संग्रहालयातील शौर्य नावाचा वाघ दत्तक घेतला. यासाठी त्यांनी एक लाखाचा चेक वन अधिकाऱ्यांकडे सुपूर्द केला. नंतर वन अधिकाऱ्यांनी वाघाला दत्तक घेतल्याचे प्रमाणपत्र लक्ष्मी हेब्बाळकर यांच्याकडे सुपूर्द केले.
