सोलापूर शहरातील सदर बझार पोलीस ठाणे हद्दीतील सराईत गुन्हेगार, अजय रघुनाथ जाधव, वय ४० वर्षे, रा. शामा नगर झोपडपट्टी, सोलापूर हा मागील काही वर्षांपासुन सातत्याने घातक शस्त्राचा वापर करुन बेकयदेशीर जमाव जमविणे, दगडफेक करणे, खंडणी मागणे, जबरी चोरी, स्वच्छेने घातक शस्त्राने दुखापत करणे, खुनाचा प्रयत्न करणे आणि प्रतिबंधक आदेशाचा भंग करणे आणि धमकी देणे यासारखे गंभीर स्वरुपाचे गुन्हे साथीदारांच्या मदतीने, अवैध आर्थिक फायदा मिळवण्यासाठी करीत आला आहे. त्याच्या विरुध्द अश्या प्रकारे गंभीर स्वरुपाचे एकुण ०४ गुन्हे सोलापुर शहरात दाखल आहेत. त्याचे या गुन्हेगारी कृत्यामुळे सोलापुर शहरातील नागरीकांचे दैनदिन जीवन विस्कळीत होऊन, सार्वजनिक सुव्यवस्थेस बाधा निर्माण झाली आहे. अजय रघुनाथ जाधव याच्या गुन्हेगारी कृत्यामुळे, त्याची सोलापुर शहरातील व्यापारी व सामान्य नागरीकांमध्ये दहशत असुन, त्याचे विरुध्द सामान्य नागरीक उघडपणे पोलीसांना माहीती देत नाहीत.
अजय रघुनाथ जाधव यास त्याच्या गुन्हेगारी कृत्यास वेळीच प्रतिबंध करण्यासाठी,एम. राज कुमार, पोलीस आयुक्त यांनी, दि.०२/०५/२०२४ रोजी त्याचे विरुध्द एमपीडीए अन्वये स्थानबध्दतेचे आदेश करुन येरवडा कारागृह, पुणे येथे सोडण्यात आले आहे.
सदरची कारवाई एम. राज कुमार,पोलीस आयुक्त यांचे मार्गदर्शनाखाली, डॉ. दीपाली काळे पोलीस उप-आयुक्त विजय कबाडे पोलीस उप-आयुक्त प्रांजली सोनवणे, सहाय्यक पोलीस आयुक्त,अजय परमार, सहाय्यक पोलीस आयुक्त सुनिल दोरगे, वरिष्ठ पोलीस निरीक्षक गुन्हे, अजित लकडे, वपोनि, सदर बझार पोलीस ठाणे, पोउपनि/विशेंद्रसिंग बायस गुन्हे शाखा, एमपीडीए पथकातील अंमलदार विनायक संगमवार, सुदीप शिंदे, अक्षय जाधव, विशाल नवले यांनी केली आहे
