सोलापूर : तीन महिन्यानंतर सोलापूर महापालिकेची बुधवारी प्रत्यक्ष उपस्थिती मध्ये मनपा सभागृहात सभा झाली मात्र गोंधळ.. माइक फोडणे ..घोषणाबाजी.. महापौरांनी गोंधळात सभा गुंडाळणे आणि विरोधकांनी घोषणाबाजी देत महापौरांना अडविणे अशा पद्धतीने ही सभा तहकूब करण्यात आली त्यामुळे सिद्धेश्वर कारखान्याच्या चिमणी बाबतचा बहुचर्चित विषय पुन्हा लांबणीवर पडला आहे.
सोलापूर महापालिकेची मार्च आणि एप्रिल महिन्याची तहकूब झालेली सर्वसाधारण सभा बुधवारी कौन्सिल हॉल मध्ये आयोजित केली होती या सभेमध्ये हद्दवाढ भागातील मिळकतींचा सर्वे करण्यासाठी शासनाकडे नऊ कोटी रुपये भरण्यास सर्वानुमते मंजुरी देण्यात आली. जिल्हास्तर नगरोत्थान अभियानातून सोलापूर महापालिकेला मिळालेल्या अनुदानातून सर्व नगरसेवकांना समसमान निधी मिळावा याच विषयावरून विरोधकांनी भाजपला घेरले त्यातच सुरेश पाटलांनी स्वतःच्या पक्षातीलच पदाधिकाऱ्यांची खरडपट्टी केली विरोधकांनी सुरेश पाटील यांच्या भाषणावर टाळ्या वाजवत त्यांना दाद दिली मात्र अशा गंभीर वातावरणात महापौरांनी सभा तहकूब केली त्यामुळे विरोधकांनी महापौरांना सभा गृह सोडून जाताना जवळपास दहा मिनिटं अडवून ठेवलं आणि घोषणाबाजी केली. पहा यावेळी सुरेश पाटलांची सभागृहात रंगलेली टोलेबाजी
