स्वच्छ सर्वेक्षण ग्रामीण -2021 मध्ये 955.53 गुण, राज्यात द्वितीय क्रमांक
सोलापूर – स्वच्छ सर्वेक्षण ग्रामीण -2021 मध्ये सोलापूर जिल्हा देशात चांगली कामगिरी केली आहे. सोलापूर जिल्हा परिषदेने राज्यात द्वितीय क्रमांक पटकाविला आहे.
सोलापूर जिल्हा परिषदेचे मुख्य कार्यकारी अधिकारी दिलीप स्वामी यांनी स्वच्छ सुंदर शाळा तसेच स्वच्छते बाबत विविघ उपक्रम हाती घेतले होते. जिल्हाने देशात पहिल्या टाॅप 50 मध्ये स्थान पटकाविले आहे.
देशात एकुण 709 जिल्हे आहेत. 1000 गुणा पैकी 955.53 गुण सोलापूर जिल्ह्याने प्राप्त केले आहेत. नुकताच केंद्र शासनाचे जलशक्ती मंत्रालयाने अहवाल प्रकाशीत केला आहे.देशात स्वच्छ जिल्हा म्हणून गौरव झालेला सिधुदूर्ग जिल्हा गुणांकनात देशात दहावा आहे.राज्यात सिधुदूर्ग पहिला (983.04 गुण ) सोलापूर द्वितीय (955.53 गुण), सांगली तृतीय (939.13 गुण) मिळाले आहेत.
फिडबॅक मध्ये सोलापूर जिल्हा देशात द्वितीय आहे. मात्र यंदा पासून फिडबॅक साठी देण्यात येणार पुरस्कार जलशक्ती मंत्रालयाने बंद केला आहे.स्वच्छ भारत मिशन ग्रामीण अंतर्गत सिईओ दिलीप स्वामी यांचे मार्गदर्शनाखाली सर्वोत्तम कामगिरी सोलापूर जिल्हा परिषदेने केली आहे. महिला व बाल कल्याण विभाग, शिक्षण विभाग, ग्रामपंचायत विभाग, उमेद सह सर्व विभागातील अधिकारी कर्मचारी यांनी मोठे योगदान दिले आहे. जिल्हा पाणी व स्वच्छता मिशन कक्षातील कर्मचारी यांनी पुढाकार घेतला होता. सिईओ दिलीप स्वामी यांनी या साठी मोहिम स्वरूपात काम केले. सर्व विभाग प्रमुखांना विश्वासात घेतले. त्यांचे सह अतिरिक्त मुख्य कार्यकारी अधिकारी संतोष धोत्रे, उप मुख्य कार्यकारी अधिकारी चंचल पाटील, उप मुख्य कार्यकारी अधिकारी इशाधिन शेळकंदे, उप मुख्य कार्यकारी अधिकारी जावेद शेख, शिक्षणाधिकारी डाॅ. किरण लोहार, मुख्य लेखा व वित्त अधिकारी अजय पवार, जिल्हा आरोग्य अधिकारी डाॅशितल कुमार जाधव, सर्व गटविकास अधिकारी यांनी सहकार्य केले आहे. सर्व विभाग प्रमुख, गटविकास अधिकारी, गट शिक्षणाधिकारी, बाल विकास प्रकल्प अधिकारी, पर्यवेक्षिका, विस्तार अधिकारी पंचायत, शिक्षण व आरोग्य तसेच सर्व मुख्याध्यापक, ग्रामसेवक,केंद्र प्रमुख, प्राथमिक शिक्षक, अंगणवाडी सेविका, मदतनिस, बीआरसी व सीआरसी तसेच जिल्हा स्तरावरील पाणी व स्वच्छता मिशन कक्षातील सल्लागार यांनी महत्वाचे योगदान दिले आहे.
सोलापूर जिल्हा परिषद स्वच्छतेत देशात अग्रेसर – सिईओ दिलीप स्वामी
………………
सोलापूर जिल्हा परिषेदेने स्वच्छ सर्वेक्षण ग्रामीण 2021 मध्ये चांगली कामगिरी केली आहे. वैयक्तीक शौचालय बांधकाम,सार्वजनिक शौचालय, सांडपाणी व्यवस्थापन साठी परसबागा, शौषखड्डे, स्वच्छ व सुंदर शाळेमुळे शालेय स्वच्छतागृह, घनकचरा व्यवस्थापन अशा १ हजार मार्कांचे रॅंकींग होते. प्रत्यक्ष केंद्रीय समितीने या कामांची पाहणी केली. सर्व अधिकारी व कर्मचारी यांनी साठी मेहनत घेतली आहे.
