सोलापूर (प्रतिनिधी) सोलापूर तीन दिवसांपूर्वी १८ दिवसाचं बाळ बेकायदेशीर दस्त करून विकण्यात आल्याचा संतापजनक उघडकीस आला होता. हि घटना ताजी असतानाच अजून एक घटना सोलापुरात उघडकीस आली आहे. एका अल्पवयीन पंधरा वर्षांच्या पोटच्या मुलीला बापाने चक्क विविध जिल्ह्यातील कला केंद्रात पाठवल्याची धक्कादायक घटना उघडकीस आली आहे.
दरम्यान ,त्या पित्याने मुलीला शहरातील एका कलाकेंद्रात अडीच लाखाला चार महिन्यापूर्वी दिले होते. दरम्यान, मुलीने या घटनेची माहिती आईला सोशल मीडियावरून संपर्क साधल्यावर दिल्यानंतर ही घटना उघडकीस आली. सोलापुरातील जोडभावी पेठ पोलीस ठाणे हद्दीतील एक दाम्पत्य कौटुंबिक वाद झाल्याने दोघे विभक्त झाले.यावेळी मुलगी वडिलांकडे राहत होती.पित्याने त्या मुलीला तीन ते चार महिन्यापूर्वी एका कलाकेंद्रात अडीच लाख रुपये उचल घेत सोपविले.ही घटना मुलीने आपल्या आईला सांगितली. दरम्यान, त्या पीडितेच्या आईने पोलीस स्टेशनमध्ये तक्रार देण्यासाठी दाखल झाली. या घटनेची माहिती कळताच जोडभावी पोलिस ठाण्याचे पोलिस निरीक्षक राजेंद्र करणकोट यांच्या मार्गदर्शनाखाली गुन्हे प्रकटीकरण पथकाचे वसंत पवार, विजय जाधव, संजीवनी व्हट्टे यांनी त्या पीडितेची मदत केली.
