सोलापूर – रोटरी सोलापूर परिवारातील १२ क्लब्स यांच्या संयुक्त विद्यमाने रोटरी रन कॉज कॅन्सर हा उपक्रम २६ ऑक्टोबर रोजी सकाळी सिद्धेवर मंदिर परिसरात आयोजित करण्यात आला आहे. या उपक्रमाचा उद्देश कॅन्सरविरुद्ध जनजागृती निर्माण करणे व प्रत्येक जिल्हा कॅन्सरमुक्त बनवणे हा आहे.
रोटरी डिस्ट्रिक्ट ३१३२ मध्ये आतापर्यंत ३ कॅन्सर स्क्रिनिंग बस कार्यरत असून आणखी ३ बस लवकरच सुरु होणार आहेत. या बसद्वारे संपूर्ण जिल्हाभरात मोफत स्तनाचा आणि गर्भाशय मुखाचा कॅन्सर तपासणी शिबिर आयोजित करण्यात येईल. ही संपूर्ण योजना रोटरी फाउंडेशन आणि ग्लोबल ग्रँट प्रोजेक्टच्या माध्यमातून राबविली जात आहे.
रोटरी रन तीन प्रकारांत होईल
१. रोटरी वॉक
२. रोटरी रन
३. वर्चुअल रन
या कार्यक्रमात प्रत्येक रोटेरियन, त्यांचे परिवार, मित्रमंडळी तसेच सोलापूरकर नागरिक सहभागी होऊ शकतात. या रनमधून मिळणारे योगदान थेट कॅन्सर जनजागृती आणि तपासणी मोहिमेसाठी वापरले जाणार आहे.
नोंदणी शुल्क खालीलप्रमाणे आहे :
- शालेय विद्यार्थ्यांसाठी १०० (टोपी + प्रमाणपत्र)
- रोट्रॅक्टर / कॉलेज विद्यार्थी-विद्यार्थिनी २५० (टोपी + प्रमाणपत्र)
- रोटेरियन, त्यांचे परिवार व सर्वसामान्य नागरिक १००० (टी-शर्ट टोपी + प्रमाणपत्र)
- फाऊंडेशन चॅम्पियन ५०००
भारत देश पोलिओमुक्त करण्याची ऐतिहासिक मोहिम यशस्वीरीत्या राबवली व जग पोलिओ मुक्तीच्या उंबरठ्यावर आहे…..
आता त्याच प्रेरणेने, रोटरी डिस्ट्रिक्ट ३१३२ ने कॅन्सर मुक्त महाराष्ट्रातील ११ जिल्ह्यांचा संकल्प केला आहे. या जनजागृती मोहिमेत सहभागी होऊन आपल्या समाजात आरोग्य आणि सजगतेचा दीप प्रज्वलित करा.
रोटरी रन – कॉज कॅन्सर
दिनांकः २६ ऑक्टोबर २०२५
स्थळः सिद्धेश्वर मंदिर परिसर, सोलापूर
सकाळी: वॉक-रन-वर्चुअल रन
नोंदणीसाठी रोटरी सोलापूर परिवारातील १२ क्लब अध्यक्ष आणि सदस्य मदत करतील. (संपर्क क्रमांक नंतर जाहीर केले जातील.)
रोटरीची हमी आरोग्याची खात्री कॅन्सरमुक्त महाराष्ट्रासाठी सगळ्यांनी धाव घ्या !
