खाजगी बिल्डर्सच्या माध्यमातून शहरात घरे देणे शक्य : आयुक्त सचिन ओंबासे

क्रेडाई सोलापूर तर्फे प्रॉपर्टी एक्स्पोचे उद्घाटन
सोलापूर : सोलापूर शहरात अद्याप 30% लोक झोपडपट्टीत राहत असून खाजगी डेव्हलपर्स व बिल्डर्सच्या माध्यमातून त्यांना घरे उपलब्ध करून देणे शक्य असल्याचे महापालिका आयुक्त डॉक्टर सचिन ओंबासे यांनी स्पष्ट केले. क्रेडाई एक्सपोच्या उद्घाटन प्रसंगी ते बोलत होते. क्रेडाईच्या गव्हर्नमेंट कौन्सिलचे सदस्य सुनील फुरडे होते. क्रेडाईच्या सोलापूर शाखेचे अध्यक्ष अभिनव साळुंखे यांनी प्रास्ताविक केले तर उपाध्यक्ष संतोष सुरवसे यांनी आभार मानले. सूत्रसंचालन अर्पिता खडकीकर यांनी केले.यावेळी मंचावर कन्व्हेनर आनंद पाटील, को कॉन्व्हेनॉर दक्ष पटेल, सह सचिव मिलिंद लोलगे , वूमेन्स विंग च्या राज्याच्या कन्व्हेनर दीपाली गांधी , सोलापूर शाखेचे कन्व्हेनर वामीनी तापडिया उपस्थित होते.

प्रदर्शनाचे मुख्य प्रायोजक असलेल्या सोलापूर जनता सहकारी बँकेचे अध्यक्ष सुनील पेंडसे म्हणाले की, घर प्लॉट घेण्यासाठी एकाच ठिकाणी सर्व गोष्टी पहायला मिळणार आहेत. बँकेने हाउसिंग लोन साठी मार्च पर्यंत साडेसात टक्के व्याजदर ठेवला आहे.
सुरुवातीला दिवंगत उपमुख्यमंत्री अजितदादा पवार यांना आदरांजली अर्पण करून दोन मिनिटे स्तब्धता पाळण्यात आली.

प्रदर्शन यंदा दि. ३० जानेवारी ते २ फेब्रुवारी दरम्यान नॉर्थ कोट हायस्कुल ग्राऊंड येथे आयोजीत करण्यात आले आहे.

सोमवार दि. २ फेब्रुवारी पर्यंत दररोज स. १० ते रात्रौ ८ दरम्यान सर्वांसाठी हे प्रदर्शन खुले असणार आहे. क्रेडाई सोलापूर आयोजीत या प्रदर्शनाचे सोलापूर जनता सह बँक हे मुख्य प्रायोजक असून माऊली लँडमार्क व जेजेआरव्ही समर्थ प्रसाद हे सह प्रायोजक आहेत .
यंदाच्या प्रदर्शनात सुमारे 65 स्टॉल्स् असून सोलापूरातील क्रेडाई सभासदांचे विविध प्लॉटस्,फ्लॅटस्, बंगलोज्, रो-हाऊसेस, कमर्शिअल कॉम्प्लेक्स् तसेच अनेक बिल्डिंग मटेरियल सप्लायर्स , वित्तीय संस्था भाग घेत असून प्रदर्शनाच्या ठिकाणीच गृहकर्जाची माहिती ही मिळणार आहे. या प्रदर्शनात आज रविवार दि. १ फेब्रुवारी रोजी क्रेडाई वुमन्स विंग व युथ विंग च्या वतीने रक्तदान शिबीर आयोजित करण्यात आले आहे.

क्रेडाई ही सर्व कायदे पाळून ग्राहकांना वेळेत घर देणे व स्वत: वर व्यावसाईक बंधने पाळून कार्य करणारी बांधकाम व्यावसायिकांची राष्ट्रीय संघटना असून क्रेडाई सभासदांकडून याचे काटेकोरपणे पालन केले जाते. ग्राहकांच्या अडी अडचणीही सोडविल्या जातात.
याप्रसंगी प्रदर्शनाचे सह समनव्यक दक्ष पटेल, सह सचिव उमेश लोलगे , राजेंद्र शहा कासवा, संजय पटेल, संतोष कलगुटगी , वेदांत मुंदडा, अविनाश बच्चूवार, समीर गांधी, अभिषेक राव, ईश्वर मालू, अभय सुराणा , गुरुराज येल्लटी, सिद्वेश्वर जोकारे, जयंत होले पाटील, स्मित गांधी, सौ. अनुषा बच्चूवार यांच्यासह जनता बँकेचे अधिकारी वर्ग व इतर मान्यवर उपस्थित होते.