सोलापूर : राज्यातील युवकांना रोजगार मिळावा यासाठी महायुती सरकारने मुख्यमंत्री युवा कार्य प्रशिक्षण योजना राबवली होती. यातून अनेकांच्या हाताला काम मिळाले. परंतु प्रशिक्षणार्थींचा निहित कालावधी सहा महिन्यांचा असल्याने येत्या दोन महिन्यात सदरचा चा कालावधी संपुष्टात येणार आहे काम करणाऱ्या प्रशिक्षणार्थी युवक युवतींना कालावधी वाढवून त्यांना मुदतवाढ देण्याबाबत तसा प्रस्ताव राज्य शासनाकडे सादर करावा अशी मागणी सोलापूर महानगरपालिका मुख्यमंत्री युवा कार्यप्रशिक्षणार्थ्यांनी सोलापूरचे नूतन पालकमंत्री मा.जयकुमार गोरे साहेब यांची समक्ष भेट घेऊन निवेदन सादर केले.
सदरील युवक युवतींनी आपल्या व्यथा मांडल्या समस्यांना सामोरे जावे लागत आहे याबाबत निवेदन सादर करून विनंती केली. या निवेदनाची दखल घेत सोलापूरचे नूतन पालकमंत्री जयकुमार गोरे साहेब यांनी हा विषय राज्याचे मुख्यमंत्री देवेंद्र फडणवीस साहेब या विषयासंदर्भात सकारात्मक चर्चा करून युवकांचे प्रश्न मार्गी लावण्याचे अभिवचन मुख्यमंत्री युवा कार्य प्रशिक्षणार्थ्यांना दिले यावेळी सोलापूर महानगरपालिकेतील प्रशिक्षणार्थी उपस्थित होते.
