सोलापूर – पद्मशाली समाजाचे आराध्यदैवत कुलदैवत महर्षी मार्कंडेय जन्मोत्सव मध्यवर्ती महामंडळ,सोलापूर च्या वतीने दरवर्षी भव्य आणि दिव्य व विविध सामाजिक,शैक्षणिक आणि धार्मिक कार्यक्रम राबविले जातात.यंदा ही महर्षी मार्कंडेय जन्मोत्सव महर्षी मार्कंडेय जन्मोत्सव करा जल्लोषात घरोघरी साजरा व समाज ऐक्याचे प्रतीक पद्मध्वजारोहनाने साजरा करा असे संदेशात्मक उपक्रम हाती घेतले असून त्या अनुषंगाने सर्वांनी आपापल्या घरी महर्षी मार्कंडेय यांचे माघ शुद्ध तृतीया शततारका नक्षत्र जन्म शुभतिथी असून 24 जानेवारी रोजी होणाऱ्या महर्षी मार्कंडेय जन्मोत्सव सर्वांनीच साजरा करा.
- हे करताना प्रथम पहाटे आपल्या घरावर मंगलमय व आनंदमय वातावरणात घर परिसर शुचिर्भूत करून समाजाला एकतेचा संदेश देणारे समाजाच्या ऐक्याचे प्रतीक समजले जाणारे पद्मध्वजारोहण करावे.तदनंतर आपल्या घरी प्रतिमा अथवा मूर्ती याचे विधीव्रत पूजा आदी धार्मिक कार्यक्रम करवून उत्तम आरास व सजावट करा.
- महामंडळाच्या वतीने दिनांक 23 सर्व समावेशक खुल्या वर्गासाठी निबंध,चित्रकला,रांगोळी स्पर्धेचे आयोजन करण्यात आले आहे. यामध्ये प्रथम, द्वितीय, तृतीय व दोन उत्तेजनार्थ बक्षीस व सर्व सहभागी स्पर्धकांना प्रमाणपत्र देण्यात येणार आहे. अशी माहिती महामंडळ उत्सव समिती अर्चना वडनाल यांनी दिली. यंदा मध्यवर्ती महामंडळाकडून समाज बांधवांना महर्षी मार्कंडेय यांची प्रतिमा व पद्मध्वज वितरीत करण्यात येणार आहे. समाज बांधवांनी पार्क चौक येथे दिनांक 22, 23 जानेवारी रोजी दिवसभर घेऊन जावे असे आवाहन संस्थापक अध्यक्ष निरंजन बोद्धूल सचिव अनिल वासम यांनी केले.
महर्षी मार्कंडेय जन्मोत्सव कार्यक्रम
- 22 जानेवारी रोजी सायंकाळी डॉ.बाबासाहेबआंबेडकर चौक पार्क चौक हुतात्मा स्मृती मंदिर लगत महर्षी मार्कंडेय मूर्तीची प्रतिष्ठापना सुवासिनींचे हळदी- कुंक कार्यक्रम संपन्न होणार आहे. 23 जानेवारी रोजी चित्रकला स्पर्धा, निबंध स्पर्धा रविवार पेठ येथील पदमशाली शिक्षण संस्था कुचन प्रशाला येथे आयोजित करण्यात आली आहे. 24 जानेवारी सकाळी सात पद्मध्वजारोहण होईल. सकाळी नऊ वाजता विश्वस्त मंडळ व उत्सव समिती पुजा महर्षी मार्कंडेय यांची विधिव्रत पूजा व धार्मिक विधी संपन्न होईल. हुतात्मा स्मृती मंदिर च्या आवारात हिवरवळीवर सकाळी 8 पासून रांगोळी स्पर्धा होईल. नाव नोंदनी साठी 9588490274,8865767167 या नंबर वर नाव नोदनी करावे दुपारी 12 वाजता सुप्रसिद्ध गायक देविदास महाराज यांचे महर्षी मार्कंडेय भजन कार्यक्रम होईल. सांय 6 वाजता सोलापूरातील विविध क्षेत्रातील मान्यवरांच्या हस्ते महर्षी मार्कंडेय मूर्तीचे पूजन व आरती सोहळा व महामंडळाच्या वतीने सत्कार सोहळा संपन्न होणार आहे. अशी माहिती अध्यक्ष पुरुषोत्तम बोगा यांनी पत्रकार परिषदेत दिली.
- या पत्रकार परिषदेत संस्थापक अध्यक्ष निरंजन बोद्धूल, संस्थापक सचिव अँड.अनिल वासम,संस्थापक सहसचिव नागेश सरगम, उत्सव समिती प्रेसिडेंट पुरुषोत्तम बोगा ,उत्सव समिती अध्यक्ष अर्चना वडणाल ,सचिव बाळकृष्ण मल्याळ, कार्याध्यक्ष राकेश कोंडी,आदींची उपस्थिती होती. आभार अध्यक्ष पुरुषोत्तम बोगा यांनी मानले.
