दि. 21 जून 2025 सकाळी 7 वाजता सिद्धेश्वर मंदिर सोलापूर येथे 9 महाराष्ट्र बटालियन एनसीसी सोलापूर यांच्या कडून योग दिनाचे आयोजन करण्यात आले होते.
सोलापूर शहरातील 9 महाराष्ट्र बटालियन एनसीसी सोलापूर यांचे कॅडेट यामध्ये सहभागी झाले होते.
यासाठी लेफ्टनंट कर्नल शरभ बाबर, सुभेदार मेजर प्रदीप कदम यांचे मार्गदर्शन लाभले.
याप्रसंगी योग प्रशिक्षक दत्तात्रय ढोणे सर यांनी एनसीसी कॅडेट्सना योग दिन व योगाचे आपल्या जीवनात महत्त्व सांगितले व विविध योगासन करून दाखवली. एनसीसी कॅडेट्सने सर्व योगासनामध्ये उत्साहाने सहभाग घेतला. यामध्ये संगमेश्वर कॉलेज सोलापूर, सोशल कॉलेज सोलापूर, मॉडर्न हायस्कूल सोलापूर , लिटल फ्लॉवर कॉन्व्हेंट स्कूल सोलापूर, अण्णाप्पा काडादी हायस्कूल अशा अनेक शाळा व महाविद्यालय यांचे एनसीसी कॅडेट्सने सहभाग नोंदवला.
योग हा केवळ शारीरिक व्यायाम नसून शरीर, मन आणि आत्मा यांच्यातील समतोल साधण्याची प्राचीन भारतीय कला आहे。नियमित योगासने आणि प्राणायामामुळे शारीरिक लवचिकता वाढते, मानसिक ताण कमी होतो आणि एकंदर आरोग्य सुधारून आयुष्य निरोगी बनते असे मत योग प्रशिक्षक दत्तात्रय ढोणे यांनी व्यक्त केले.
याप्रसंगी 9 महाराष्ट्र बटालियनचे लेफ्टनंट तुकाराम साळुंखे , फर्स्ट ऑफिसर आर एम कोळी, फर्स्ट ऑफिसर जॉन सर, सेकंड ऑफिसर नेहा विपत हे एनसीसी ऑफिसर उपस्थित होते
या कार्यक्रमाचे सूत्रसंचालन लेफ्टनंट तुकाराम साळुंखे यांनी केले व आभार प्रदर्शन एनसीसीऑफिसर आर एम कोळी यांनी केले.
