सोलापूर (प्रतिनिधी) : कोर्टातच काम करत असताना एका युवा वकिलाचा हृदयविकाराच्या झटक्याने दुःखद निधन झाले.ॲड.श्रीकांत डमडेरे (वय ३६) असे निधन झालेल्या वकिलाचे नाव आहे. ही घटना मंगळवारी दुपारी चार वाजण्याच्या सुमारास घडली.घटना कळताच सहकाऱ्यांकडून हळहळ व्यक्त करण्यात येत आहे.
श्रीकांत हे गेल्या दोन-तीन दिवसापासून आजारी होते. ते मंगळवारी कोर्टात कामकाजासाठी आल्यानंतर दुपारी चार वाजण्याच्या सुमारास कोर्ट परिसरातील पार्किंगजवळ असतानाच अचानक खाली कोसळले. हे चित्र पाहिल्यानंतर उपस्थित सहकारी वकिलांनी त्यांना लगेच गाडीमधून उपचारासाठी खासगी हॉस्पिटलमध्ये नेले; पण त्यांचा उपचारापूर्वीच त्यांचा मृत्यू झाल्याचे डॉक्टरांनी घोषित केले. दरम्यान, एका युवा वकिलाचा काम करताना हृदयविकाराच्या झटक्याने निधन झाल्याने जिल्हा व सत्र न्यायालय परिसरात हळहळ व्यक्त करण्यात येत आहे. त्यांच्या पश्चात पत्नी दोन मुले असा परिवार आहे.ते मागील काही वर्षांपासून ॲड.राज पाटील यांच्याकडे काम करत होते. ते जवळपास १५ वर्षांपासून वकिली व्यवसायात होते.