येस न्युज मराठी नेटवर्क : आधार प्रतिष्ठान सोलापूर यांच्या वतीने स्वामी समर्थ विद्या विकास प्राथमिक शाळा, कुंभारी येथे विद्यार्थ्यांना शालेय गणवेशाचे वाटप करण्यात आले. आधार प्रतिष्ठान ही सोलापूर जिल्ह्यातील शिक्षकांनी स्थापन केलेली सामाजिक संस्था असून विद्यार्थ्यांच्या हितासाठी कार्य करणे हे या संस्थेचे प्रमुख उद्दिष्ट आहे. याप्रसंगी या आधार प्रतिष्ठानने 200 विद्यार्थ्यांना शालेय गणवेश देऊन विद्यार्थ्यांच्या चेहऱ्यावर हास्य व आनंद फुलवला
.
हे गणवेश वाटप दक्षिण सोलापूर पंचायत समितीचे गटशिक्षणाधिकारी मल्हारी बनसोडे साहेब यांच्या प्रमुख उपस्थितीत करण्यात आले. यावेळी गटशिक्षणाधिकारी बनसोडे यांनी आधार प्रतिष्ठानच्या या उपक्रमाचे कौतुक करून त्यांनी केलेल्या या शैक्षणिक मदतीसाठी त्यांचे आभार मानले व विद्यार्थ्यांना भरपूर अभ्यास करून त्याची पोचपावती आधार प्रतिष्ठान यांना द्यायची आहे असे त्यांना बजावून सांगितले.
या प्रसंगी आधार प्रतिष्ठानचे अध्यक्ष शंकर नळे ,उपाध्यक्ष शशिकांत कुरनूरकर ,सचिव जवाहर मोरे, चंद्रकांत कुंभार, कल्लाप्पा हेळवी , राजेंद्र कांबळे, पैगंबर तांबोळी, दिनेश कुलकर्णी ,विजयकुमार वाघमारे यांच्या स्वदेणगीतून विद्यार्थ्यांना ही मदत करण्यात आली.कार्यक्रमाच्या अध्यक्षस्थानी संस्थेचे सचिव स्वामीराव शिंदे, उपाध्यक्ष विशाल काळे तसेच संस्थेचे कायदेशीर सल्लागार ॲड.योगेश कुरे यांची उपस्थिती होती. याप्रसंगी पालक-शिक्षक संघाचे श्री. दयानंद स्वामी, महानतया कपाळे यांची देखील उपस्थिती होती.
कार्यक्रमाचे सूत्रसंचालन सहशिक्षक शशिकांत पाटील यांनी केले तर प्रास्ताविक शाळेच्या मुख्याध्यापिकामाया शिंदे यांनी केले. सदरील कार्यक्रम यशस्वी होण्याकरिता सहशिक्षिका स्वरूपाराणी सुरवसे , सुषमा वाघमोडे, अश्विनी गजधाने, रजिया , माळवदकर व हाके, धर्मांना बिराजदार या सर्वांचे सहकार्य लाभले.
