तामलवाडी येथे निमा सोलापूर कडून बालदिन उत्साहात साजरा !

नॅशनल इंटिग्रेटेड मेडिकल असोसिएशन
(निमा) सोलापूर शाखेतर्फे 14 नोव्हेंबर हा दिवस “बालदिन” म्हणून साजरा करण्यात आला. यानिमित्त निमा पदाधिकारी यांनी तामलवाडी येथील डॉक्टर रवी गायकवाड संचलित “सुयोग बालसंस्कार केंद्र” येथे भेट दिली. केंद्रातील चिमुकल्यांना शालेय साहित्य आणि खाऊ वाटप करण्यात आले. यावेळी लहान मुला मुलींनी आपल्या विविध कलागुणांचे प्रदर्शन केले. कार्यक्रम मोठ्या उत्साहपूर्ण वातावरणात यशस्वी रित्या पार पडला.

सदर कार्यक्रमासाठी डॉ. सायबू गायकवाड (निमा राष्ट्रीय उपाध्यक्ष) डॉ. विनायक टेंभुर्णीकर (माजी राष्ट्रीय अध्यक्ष) प्रमुख पाहुणे म्हणून उपस्थित होते. निमा सोलापूरचे अध्यक्ष डॉ. नागनाथ जिड्डीमनी, सचिव डॉ. अभिजित पुजारी, आणि प्रसिद्धी प्रमुख डॉ. उत्कर्ष वैद्य यांनीही उपस्थित राहून केंद्रातील चिमुकल्यांच्या आनंदात सहभागी होऊन त्यांच्याशी संवाद साधला. कार्यक्रमाच्या यशस्वीतेसाठी डॉक्टर रवी गायकवाड यांनी विशेष परिश्रम घेतले.