सोलापूर – चार माजी आमदारांच्या भाजप प्रवेशाचा उद्या मुख्यमंत्री घेणार निर्णय..छत्रपती शिवाजी महाराज यांच्या अश्वारूढ पुतळ्याच्या निमित्ताने मुख्यमंत्री देवेंद्र फडणवीस हे उद्या मंगळवेढ्यात येत आहेत. या दौऱ्याच्या पार्श्वभूमीवर तसेच स्थानिक स्वराज्य निवडणुकीच्या पार्श्वभूमीवर मोठ्या राजकीय घडामोडी घडणार आहेत. माजी आमदार दिलीप माने, माजी आमदार राजन पाटील, यशवंत माने , यांच्यासह माजी आमदार बबनराव शिंदे यांचे दोन सुपुत्र यांचा भाजप प्रवेश होणार की होणारच नाही याबाबत उद्या फैसला होणार आहे.
दिलीप माने यांना भाजपमध्ये घेऊ नये म्हणून दक्षिण सोलापूरचे माजी आमदार सुभाष देशमुख यांच्या कार्यकर्त्यांनी थेट विरोध केला. त्यामुळे इतर पक्षातून भाजपमध्ये येण्यास इच्छुक असणाऱ्या सर्वांनाच थोडा ब्रेक लागला आहे. आता मुख्यमंत्री देवेंद्र फडणवीस हे कोणता ठोस निर्णय घेतात याकडे जिल्ह्याचे लक्ष लागले आहे.
