येस न्युज नेटवर्क : सातारा लोकसभेच्या उमेदवारीचा तिढा सुटला आहे. अखेर सातारच्या जागेवर भाजपकडून खासदार उदयनराजे भोसले यांच्या नावाची घोषणा होण्याची करण्यात आली आहे. भाजपच्या केंद्रीय कमिटीकडून प्रेसनोट जाहिर करत उदयनराजेंना भाजपकडून उमेदवारी जाहीर करण्यात आली आहे.
सातारा लोकसभेच्या उमेदवारीचा तिढा कायम असताना उदयनराजेंनी तरी जाहीर होण्याची वाट न बघता प्रचाराचा धडाका सुरूच ठेवला होता. अखेर आज हा तिढा सुटल असून साताऱ्याच्या लढतीचे चित्र स्पष्ट झाले आहे. महाविकास आघाडीचे शशिकांत शिंदे विरुद्ध भाजपचे उदयनराजे भोसले अशी थेट लढत असणार आहे. आज त्यांच्या नावाची अधिकृत घोषणा करण्यात आली आहे.
उदयनराजेंनी तीन दिवस दिल्लीत तळ ठोकला होता
दयनराजेंनी उमेदवारी जाहीर होण्यापूर्वीच सातारा लोकसभेत शक्तीप्रदर्शन केले होते. त्यानंतर उदयनराजेंच्या नावाची घोषणा कधी होणार याची चर्चा रंगली होती. भाजपची यादी आली आहे त्या यादीमध्ये महाराष्ट्रातून उदयनराजेंचे नाव समोर आले आहे. उदयनराजे येत्या दोन दिवसात उमेदवारी अर्ज भरणार आहे. राज्यातील ज्या काही तीन चार मतदारसंघांवरून महायुतीचं घोडं अडलं होते. त्यापैकी एक म्हणजे सातारा. सातारा मतदारसंघ अजित पवारांच्या वाट्याला जाणार असल्याच्या चर्चा सुरू असताना उमेदवारी आपल्यालाच मिळावी यासाठी उदयनराजेंनी तीन दिवस दिल्लीत तळ ठोकला होता.
