येस न्युज मराठी नेटवर्क । अयोध्या राम मंदिराच्या निर्मितीसाठी निधी संकलनाचे काम जोरात सुरु आहे. मात्र यावरून विरोधकांनी केंद्र सरकारवर टिकास्त्र सोडले आहे. काँग्रेस प्रवक्ते सचिन सावंत यांनी भाजपवर निशाणा साधत ‘अयोध्या राम मंदिर चंदा हा भाजपचा धंदा’ असल्याची जहरी टिका केली आहे. पत्रकारांशी बोलताना त्यांनी हा घणाघाती आरोप केला आहे. भाजपने राम मंदिर मुद्दा फक्त राजकारणासाठी वापरला आहे असेही त्यांनी म्हटले आहे.
सचिन सावंत यांनी यावर अधिक बोलताना सांगितले की, ” राम मंदिर निर्मितीकरता निधी संकलन कार्यक्रम जाहीर करण्यात आला आहे. त्यात लोक सहभागी होत आहेत. पण ह्या कार्यक्रमात भाजप आणि RSS सहभाग चिंताजनक आहे. यातून जनतेला लुबाडण्याची शक्यता आहे. भाविकांचे मेहनतीचे पैसे राम मंदिर निर्माण आणि ट्रस्टला जाईल याची जनतेने काळजी घ्यावी. रोखीने पैसे गोळा केला जातो त्यात अपहार होऊ शकतो.” अशी चिंता सचिन सावंत यांनी व्यक्त केली आहे