राज्यातील 305 तालुक्यांतील दुष्काळी परिस्थितीच्या पार्श्वभूमीवर पशुपालकांनी आपल्या पशुधनाची नोंदणी भारत पशुधन प्रणालीवर अद्ययावत करावी असे आवाहन पशुसंवर्धन विभागाने केले आहे. चारा ,चारा बियाणे आणि वैद्यकीय मदतीचा लाभ थेट मिळण्यासाठी हे टॅगिंग अनिवार्य आहे .शासनाच्या विविध सवलती आणि मदत कार्य पारदर्शकपणे गरजू पशुपालकांपर्यंत पोहोचवण्यासाठी भारत पशुधन प्रणालीवर नोंदणी असणे आवश्यक आहे.
ज्या पशुधनाचे टॅगिंग झालेले नाही त्यांच्या कानात बारा अंकी बिल्ला टोचून त्यांची नोंदणी तातडीने पूर्ण करण्यासाठी पशुपालकांनी जवळच्या पशुवैद्यकीय केंद्राशी संपर्क साधावा असे विभागातर्फे सांगण्यात आले आहे. या डिजिटल नोंदणीमुळे चारा बियाणे व इतर मदत थेट पात्र पशुपालकांपर्यंत पोहोचवणे शक्य होईल .पशुपालकांनी या मोहिमेत सक्रिय सहभाग घ्यावा, असे पशुसंवर्धन आयुक्त डॉक्टर किरण पाटील म्हणाले.
