गेल्या आठ वर्षापासून प्रशासकीय राजवट असलेल्या सोलापूर जिल्हा मध्यवर्ती सहकारी बँकेची निवडणूक जाहीर झाली आहे. 19 जागांसाठी 26 नोव्हेंबर रोजी मतदान होणार असून 27 नोव्हेंबर रोजी मतमोजणी होणार आहे. यासाठी उद्यापासून उमेदवारी अर्ज भरण्याची प्रक्रिया सुरू होणार आहे. यानिमित्ताने डीसीसी बँकेचे आजी-माजी संचालक पुन्हा निवडणुकीच्या रिंगणात उतरण्याची तयारी करत आहेत या निवडणुकीत एकूण . २५९६ एवढे मतदार असून सर्वाधिक 437 एवढे मतदार माढा तालुक्यात आहेत तर सर्वात कमी म्हणजे 108 मतदार दक्षिण सोलापूर तालुक्यात आहे.
पालकमंत्री जयकुमार गोरे यांनी ही निवडणूक आता प्रतिष्ठेची बनवली आहे. कालच त्यांनी मोहिते पाटील वगळता सोलापूर जिल्ह्यातील बहुतांश सर्व नेत्यांची हॉटेल बालाजी सरोवर मध्ये बैठक घेतली. दुसरीकडे या निवडणुकीच्या निमित्ताने बऱ्याच दिवसापासून शांत असणारे माजी आमदार रणजीत सिंह मोहिते पाटील देखील आता ऍक्टिव्ह झाले आहेत. त्यांनी देखील काल अकलूज मधील शिवरत्न या निवासस्थानी जिल्ह्यातील विविध नेत्यांची बैठक घेतली. त्यामुळे या निवडी निकीच्या निमित्ताने पुन्हा पालकमंत्री जयकुमार गोरे विरुद्ध अकलूजचे मोहिते पाटील यांच्यातील महासंग्राम पाहता येणार आहे. मोहिते पाटलाच्या बाजूनी असलेले आजवरचे बहुतांश नेते सध्या पालकमंत्री जयकुमार गोरे यांच्या जवळ आहेत. त्यामुळे दिवाळीच्या तोंडावरच सोलापूर जिल्ह्यात डीसीसी बँकेच्या निवडणुकीच्या माध्यमातून अनेक राजकीय फटाके फुटतील असे चित्र आहे.
