बिपिनभाई पटेल यांना १,१५३ मते; सभासदांच्या विश्वासावर पुन्हा एकदा शिक्कामोर्तब
सोलापूर : अश्विनी सहकारी रुग्णालय व संशोधन केंद्र, सोलापूरच्या संचालक मंडळाच्या निवडणुकीत बिपिनभाई पटेल पॅनेलने दणदणीत विजय मिळवला. या निवडणुकीत पॅनेलच्या दहा उमेदवारांनी विजय संपादन केला, तर पाच उमेदवारांची यापूर्वीच बिनविरोध निवड झाली होती.
या निवडणुकीत पटेल बिपिनभाई महिजीभाई यांना १,१५३ मते मिळाली. पॅनेलला मिळालेला हा भक्कम पाठिंबा म्हणजे सभासदांनी गेल्या अनेक वर्षांपासून पॅनेलवर दाखवलेल्या विश्वासाची पोचपावती आहे. विरोधी उमेदवारांच्या तुलनेत मिळालेल्या मोठ्या मताधिक्यामुळे बिपिनभाई पटेल पॅनेलची लोकप्रियता अधोरेखित झाली आहे.
बिपिनभाई पटेल पॅनेलचे दहा विजयी उमेदवार
१. पटेल बिपिनभाई महिजीभाई
२. स्वामी चंद्रशेखर सिद्धलिंगय्या
३. डॉ. पाटील विजय काकासाहेब
४. पटेल मेहुल बिपिनभाई
५. कोठारी भेरुलाल मोहनलाल
६. पाटील संजीव जयकुमार
७. डॉ. प्रधान राजीव मधुकर
८. पटेल जयेशभाई रमेशभाई
९. करवा कौस्तुभ विश्वनाथ
१०. रांभिया मनीष केशवजी
यापूर्वीच बिनविरोध निवडून आलेले पाच उमेदवार
१. शाह शैलेश
२. तापडिया संपत
३. डागा यशोदाबाई
४. राठी किशोरी
५. वटकर रमेश
सभासदांच्या विश्वासाचा विजय!
बिपिनभाई पटेल पॅनेलला मिळालेला हा विजय केवळ निवडणुकीतील यश नसून, सभासदांनी पॅनेलच्या नेतृत्वावर आणि संस्थेच्या विकासासाठी केलेल्या कार्यावर दाखवलेल्या विश्वासाचे प्रतीक आहे. मतदानातून मिळालेला भक्कम पाठिंबा आणि पाच उमेदवारांची बिनविरोध निवड हे सभासदांच्या विश्वासाचे आणि एकजुटीचे प्रतीक आहे.
गेल्या अनेक वर्षांपासून सभासदांनी पॅनेलला दिलेली साथ, सहकार्य आणि विश्वास यामुळेच हा विजय शक्य झाला आहे. या निवडणुकीत मिळालेला कौल पॅनेलची जबाबदारी वाढवणारा असून, भविष्यात अश्विनी सहकारी रुग्णालय व संशोधन केंद्राच्या प्रगतीसाठी अधिक जोमाने काम करण्याचा निर्धार करण्यात आला आहे.
सभासद, कार्यकर्ते आणि प्रशासनाचे मनःपूर्वक आभार
या निवडणुकीत पॅनेलला भरभरून मतदान करून विजयी केल्याबद्दल सर्व सभासदांचे मनःपूर्वक आभार. तसेच निवडणुकीच्या यशासाठी अहोरात्र मेहनत घेणाऱ्या सर्व कार्यकर्त्यांचे, समर्थकांचे आणि हितचिंतकांचे विशेष आभार व्यक्त करण्यात येत आहेत.
निवडणूक प्रक्रिया सुरळीत आणि यशस्वीरीत्या पार पाडण्यासाठी सहकार्य करणारे जिल्हाधिकारी, संयुक्त जिल्हाधिकारी आणि त्यांच्या संपूर्ण प्रशासकीय पथकाचे पॅनेलच्या वतीने मनःपूर्वक आभार मानण्यात येत आहेत.
सभासदांनी दाखवलेल्या विश्वासाला पात्र ठरून अश्विनी सहकारी रुग्णालय व संशोधन केंद्राचा सर्वांगीण विकास साधणे, संस्थेची प्रगती घडवून आणणे आणि सभासदांच्या हितासाठी कार्य करणे, यासाठी बिपिनभाई पटेल पॅनेल कटिबद्ध आहे.
