लोणावळ्यात सर्वाधिक 900 मिलिमीटर इतक प्रचंड पाऊस झाला. गेल्या 16 वर्षातील विक्रमी पावसाची नोंद लोणावळ्यात झाली आहे .पिंपरी चिंचवड मध्ये 326 मिलिमीटर आणि पुणे शहरात 233.6 मिलिमीटर पाऊस कोसळला. जुलै च्या इतिहासात पडलेल्या पावसाचा हा चौथा ऐतिहासिक उच्चांक आहे.या मुसळधार पावसामुळे घाटमाथ्यावरून शहरापर्यंत सर्वत्र जनजीवन विस्कळीत झाले अनेक ठिकाणी घरात पाणी शिरले तर दरडी कोसळण्याच्या घटना अनेक ठिकाणी घडल्या.
22 ठिकाणी दरड कोसळण्याच्या घटना,83 ठिकाणी झाडे कोसळली तर नऊ रस्ते वाहतुकीसाठी बंद करण्यात आले , 270 हुन अधिक नागरिकांचे सुरक्षित स्थळी स्थलांतर करण्यात आले आहे. या परिस्थितीचा गैरफायदा घेत ॲप आधारित कॅब आणि रिक्षा चालकांनी प्रवाशांचे आर्थिक लूट केली याचा नोकरदारांना मोठा फटका बसला.अनेक घरांमध्ये तसेच दुकानांमध्ये तसेच सखल भागात पाणी शिरून भाग जलमय झाला. अग्निक्षमन व क्षेत्रीय कार्यालयांकडे 34 तक्रारी दाखल झाल्या असून , महापालिकेचे 4000 सफाई कर्मचारी ,50 आरोग्य निरीक्षक आणि स्वच्छता पर्यवेक्षक सज्ज असून विशेष कार्य प्रणाली राबवण्याचे वरिष्ठ अधिकाऱ्यांचे निर्देश असल्याचे महापालिकेने म्हटले आहे
