सोलापूर: 9 महाराष्ट्र बटालियन एनसीसी सोलापूर यांचा CATC -713 एनसीसी कॅम्प यंदा पुण्यश्लोक अहिल्यादेवी होळकर सोलापूर विद्यापीठ सोलापूर येथे आयोजित करण्यात आला आहे. हा कॅम्प दिनांक 28 जून 2026 ते 7 जुलै 2026 या कालावधीमध्ये भरवण्यात आलेला आहे. या कॅम्पमध्ये सोलापूर व पुणे जिल्ह्यातील विविध कॉलेज व विद्यालय मधील जवळपास 453 एनसीसी कॅडेट्स सहभागी झाले आहेत. या कॅम्पमध्ये “एक पेड मा के नाम” या योजनेअंतर्गत वृक्षारोपण कार्यक्रमाचे आयोजन करण्यात आले होते.
कार्यक्रमाप्रसंगी प्रमुख पाहुणे म्हणून पुण्यश्लोक अहिल्या होळकर विद्यापीठ सोलापूरचे कुलगुरू प्रो. डॉ. प्रकाश महानवर उपस्थित होते,तसेच विद्यापीठाचे एनएसएस अधिकारी डॉ. मुकुंद माळी व सोलापूर विद्यापीठाचे सर्व सिनेट मेंबरही उपस्थित होते.पर्यावरण सुधारण्यासाठी आणि समतोल राखण्यासाठी झाडे लावणे आणि ती मोठी होईपर्यंत त्यांचे संगोपन करणे ही काळाची गरज आहे असे मत कुलगुरू डॉ. प्रकाश महानवर यांनी व्यक्त केले. तसेच येत्या काळात विद्यापीठात जवळपास दोन लाख झाडांचे वृक्षारोपण करण्याचा त्यांचा मानस आहे. या कॅम्पमध्ये विविध प्रकारचे स्पर्धेचे आयोजन करण्यात आलेले आहे.
यामध्ये निबंध, वक्तृत्व,चित्रकला, वादविवाद, ड्रिल , फायरिंग,हॉलीबॉल, खोखो, रस्सीखेच व विविध सांस्कृतिक कार्यक्रमाचे आयोजन करण्यात आले आहे. तसेच या कॅम्प मधील सर्व एनसीसी कॅडेट्सना सोलापूर सायन्स सेंटर दाखविण्यात आले.या कार्यक्रमाप्रसंगी 9 महाराष्ट्र बटालियन एनसीसी सोलापूरचे कमांडिंग ऑफिसर लेफ्टनंट कर्नल शरभ बाबर, सुभेदार मेजर कृष्णा सपकोटा,सुभेदार प्रदीप कदम, लेफ्टनंट तुकाराम साळुंखे व वर्षा हत्तळी , एनसीसी ऑफिसर रेवन भांगे व नेहा विपद, बटालियनचा सर्व पीआय स्टाफ उपस्थित होते..
