मुंबईत मुसळधार पावसामुळे अनेक भागांत पाणी तुंबल्याने नागरिकांना मोठ्या अडचणींचा सामना करावा लागत आहे. अशातच साकीनाका परिसरातून एक धक्कादायक घटना समोर आली आहे. येथील २० ते २५ फूट खोल मॅनहोलमध्ये एक व्यक्ती पडल्याची माहिती मिळाली आहे. ही घटना आज दुपारच्या सुमारास घडली असून, त्यानंतर परिसरात एकच खळबळ उडाली.काही कामानिमित्त मॅनहोलवरील झाकण उघडलं असताना अस्लम शेख त्यात पडल्याची माहिती समोर येत आहे. या ठिकाणी बॅरिकेट केलं नसल्याचा आरोप केला जात आहे. जवळपास तीन तासाहून अधिक काळ त्यांची सुटका करण्याचा प्रयत्न सुरू होता. अग्निशमन दलाचे जवान शिडीच्या सहाय्याने त्यांची सुटका करण्याचा प्रयत्न करत होते. मात्र त्यांचे प्रयत्न फेल ठरले.
अस्लम शेख असे मृत्यू झालेल्या व्यक्तीचे नाव आहे. या प्रकरणात चार अधिकाऱ्यांना निलंबित केले असल्याची माहिती महापौर रितु तावडे यांनी दिली आहे. या प्रकरणातील मृत पावलेल्या कर्मचाऱ्यांच्या वारसांना दहा लाख रुपयांची नुकसान भरपाई देखील जाहीर करण्यात आली आहे.
