कुख्यात गँगस्टर लॉरेन्स बिश्नोईचा भाऊ अनमोल बिश्नोई याला अमेरिकेतून भारतात प्रत्यापण केल्यानंतर राष्ट्रीय तपास यंत्रणेने बुधवारी त्याला अटक केली होती. 2022 पासून फरार असलेल्या या गुंडास सायंकाळी पाचच्या सुमारास पटियाला हाऊस न्यायालयात विशेष न्यायाधीश प्रशांत शर्मा यांच्यासमोर हजर करण्यात आले. न्यायाधीश शर्मा यांनी अनमोलला अकरा दिवसाच्या एनआयए कोठडीत पाठवले यावेळी न्यायालय परिसरात आणि आसपास कडक सुरक्षा व्यवस्था ठेवण्यात आली होती आणि माध्यमांच्या प्रतिनिधींना न्यायालयीन कार्यवाहीत सामील होण्याची परवानगी नाकारण्यात आली होती.
राष्ट्रवादी काँग्रेस पक्षाचे नेते बाबा सिद्दीकी यांची हत्या, एप्रिल 2024 मध्ये बॉलीवूड स्टार सलमान खानच्या घरावर गोळीबार आणि प्रसिद्ध पंजाबी गायक सिद्धू मुसेवाला यांची हत्या यासह इतर अनेक गुन्ह्यांमध्ये अनमोल बिश्नोई हा वॉन्टेड होता.
गेल्या वर्षी नोव्हेंबर मध्ये त्याला अमेरिकेत ताब्यात घेण्यात आले होते.
2022 पासून अमेरिकेत फरार असलेला अनमोल तुरुंगात असलेला त्याचा भाऊ लॉरेन्स बिश्नोई याच्या मार्गदर्शनाखाली दहशतवादी सिंडिकेट मध्ये सामील असल्याबद्दल अटक झालेला एकोणिसावा आरोपी आहे.
