सोलापूरचे आयटी पार्क: ‘या’ तीन जागांवर ‘फुली’.. इथली जागा निश्चित होणार

मुख्यमंत्री देवेंद्र फडणवीस यांनी सोलापूर साठी आयटी पार्क ची घोषणा केली आहे तर हे आयटी पार्क कोठे होणार याची उत्सुकता प्रत्येकालाच आहे. जिल्हाधिकारी कुमार आशीर्वाद यांनी याबाबत पत्रकार परिषद घेऊन सविस्तर माहिती दिली. एनजी मिल, कुंभारी एमआयडीसी, हिरज आणि होटगी रोड वरील होटगी तलावाच्या शेजारची जागा.. अशा चार जागा सुचविण्यात आल्या होत्या. 2019 पासून जलसंपदा विभागाने कुंभारी एमआयडीसीसाठी जागा दिली नाही शिवाय या ठिकाणी जागेचे रेट देखील खूप जास्त आहेत त्यामुळे या ठिकाणी आयटी पार्क करणे शक्य नाही. आयटी पार्क साठी एनजी मिल ची जागा अत्यंत चांगली आहे मात्र या जागेचा वाद सुरू असल्यामुळे ती वादाची जागा घेणे चुकीचे आहे. हिरज या ठिकाणी इको सेन्सिटिव्ह झोन म्हणजेच माळढोक आणि वन खात्याची जागा असल्यामुळे या ठिकाणी देखील बोरामणी एअरपोर्ट प्रमाणे अनेक अडथळे येऊ शकतात. त्यामुळे या तीनही ठिकाणी आयटी पार्कच्या इमारती उभारणी शक्य नाही. होटगी तलावाशेजारी जलसंपदा खात्याची 50 एकर जागा असून ही जागा लॉजिस्टिक पार्कला देण्यासंदर्भात जलसंपदा विभागाने पत्र देखील दिली आहे. त्यामुळे लॉजिस्टिक पार्क ऐवजी आयटी पार्क असे पत्र बदलून घेणे सोपे आहे शिवाय 40 ते 50 कोटी एवढ्या कमी रकमेमध्ये ही जागा मिळू शकते. या ठिकाणी बारा मजली पर्यंत इमारती बांधण्यासाठी विमानतळाचा कोणतीही अडथळा येणार नाही. सिद्धेश्वर कारखान्याच्या मळीचा वास येणे शिवाय एनटीपीसी मधील राख पडणे हे दोन विषय प्रदूषण नियंत्रण मंडळाच्या माध्यमातून सुटू शकतात. त्यामुळे सध्या तरी होटगी रोडवरील जागा ही आयटी पार्क साठी अत्यंत योग्म असल्याचे मत जिल्हाधिकारी कुमार आशीर्वाद यांनी दिले. याबाबतचा प्रस्ताव शासनाकडे पाठवल्या जाणार असून त्यानंतर एमआयडीसीच्या माध्यमातून या ठिकाणी इमारती उभारल्या जातील. जरी भविष्यात आयटी पार्कला खूप चांगला रिस्पॉन्स मिळाला तरी ते आणखी जागा शिल्लक असल्याचे देखील ते म्हणाले. चांगली जागा… कमीत कमी भाडे तसेच सवलतीच्या दरात वीज, पाणी दिलं तरच आयटी कंपन्या सोलापूरला येतील असे मत देखील जिल्हाधिकारी कुमार आशीर्वादाने व्यक्त केले. एमआयडीसीच्या अधिकाऱ्यांनी देखील होटगी रोडची जागा योग्य असल्याचे सांगितले आहे.