सोलापूर जिल्ह्यात सीना नदीच्या महापुरामुळे नदीकाठच्या गावांचे प्रचंड नुकसान झाले आहे. सोलापूर झेडपीच्या 347 शाळा, 284 अंगणवाडी, 53 ग्रामपंचायतीची कार्यालये, 24 प्राथमिक आरोग्य केंद्र तसेच उपकेंद्रे , 93 स्मशानभूमी तसेच जीडीपीच्या मालकीचे सुमारे सातशे रस्ते खराब झाले आहेत अशी माहिती झेडपीच्या सीईओ कुलदीप जंगम यांनी दिली.
700 रस्त्यांपैकी 96 रस्त्यांची तातडीने दुरुस्ती केली जाणारा असून त्याचे इस्टिमेट तयार झाले आहे त्याला सुमारे पाच कोटींचा खर्च येणार आहे. ज्या मुलांची दप्तर तसेच साहित्य पुरात वाहून गेले अशा 6275 मुलांना शालेय साहित्याची बॅग दिली जाणार आहे . झेडपीचे चौदाशे पाझर तलावा असून त्यातील 96 पाझर तलावांची तातडीने दुरुस्ती केली आहे. महापुरामुळे 36 गावच्या पाणीपुरवठा योजना दूषित झाले आहेत त्या ठिकाणी टँकरद्वारे पाणीपुरवठा सुरू केला आहे. महापुरामुळे बाधित झालेल्या लोकांसाठी उभारण्यात आलेल्या निवारा केंद्रामध्ये 23 ते 30 ऑक्टोबर दरम्यान 14,471 लोकांची आरोग्य सुविधा झेडपी कडून करण्यात आली. आता गावामध्ये स्वच्छता मोहीम सुरू आहे.
88 गावांपैकी 65 गावांमध्ये 90% स्वच्छता झाली असूनही त्या आठ दिवसात सर्व गावे आम्ही स्वच्छ आणि निरजंतुकीकरण करू अशी माहिती कुलदीप जंगम यांनी दिली. झेडपीच्या सर्व विभागाचे कर्मचारी दिवस-रात्र काम करत आहेत. झेडपीच्या माध्यमातून एक कोटी 20 लाख रुपयांचा निधी कर्मचाऱ्यांनी जमा केला असून या निधीच्या माध्यमातून सामाजिक संस्थांच्या माध्यमातून पूरग्रस्तांना विविध साहित्यांचे वाटप करण्यात आले. आता डीपीडीसीच्या निधीतून सुमारे 12000 पूरग्रस्त बाधित लोकांना बाराशे रुपये किमतीचे जीवनावश्यक वस्तूचे किट दिले जाणार आहे, यातील 2000 कीट मिळाल्या असून याचे वाटप दक्षिण सोलापुरातील होनमुर्गी या गावातून आजपासून सुरू करण्यात आले असल्याचे जंगम यांनी सांगितले.
