सोलापूर — सोलापूर महानगरपालिकेने ‘स्वच्छता ही सेवा २०२५’ पंधरवड्याअंतर्गत ‘स्वच्छ हरित उत्सव’ साजरा करत राबवलेल्या ‘घट संकलन’ या पर्यावरणपूरक उपक्रमाला सोलापूरकरांनी दुसऱ्या दिवशीही (दिनांक ४ ऑक्टोबर २०२५) उत्स्फूर्त प्रतिसाद दिला आहे.
नवरात्रोत्सवाच्या समाप्तीनंतर विजयादशमी अर्थात दसऱ्याच्या (२ ऑक्टोबर २०२५) दुसऱ्या दिवशी, ३ ऑक्टोबर २०२५ रोजी, शहरात घट विसर्जन करण्याची प्रथा आहे. याच विसर्जनामुळे होणारे पर्यावरणाचे नुकसान आणि सार्वजनिक आरोग्याचे प्रश्न टाळण्यासाठी महानगरपालिकेने शहरातील विविध उद्यानांमध्ये २६ ‘घट संकलन केंद्रे’ स्थापन केली होती.
महापालिकेच्या या अभिनव उपक्रमास
- दिनांक ३ ऑक्टोबर २०२५ रोजी पहिल्याच दिवशी तब्बल २०९७ कुटुंबांचे घट संकलन झाले होते.
- या उपक्रमाला मिळालेला प्रतिसाद कायम ठेवत सोलापुरातील नागरिकांनी ४ ऑक्टोबर २०२५ रोजीही सोलापुरातील ११८२ कुटुंबांनी आपले घट संकलन केंद्रात जमा केले.’घट संकलन’ उपक्रमाचे महत्त्व व
संकलित केलेल्या या सर्व घटांचे उद्यान विभागाकडून शास्त्रशुद्ध पद्धतीने खतामध्ये रूपांतर केले जाणार आहे. यामुळे जलप्रदूषण टाळण्यास मदत होणार असून नैसर्गिक खतनिर्मितीही होईल. सोलापूरकरांनी दाखवलेला हा सहभाग पर्यावरण संवर्धनाच्या दिशेने एक महत्त्वपूर्ण पाऊल ठरले आहे.या अभिनव आणि यशस्वी उपक्रमाबद्दल सर्व स्तरांतून असे उपक्रम सातत्याने राबविण्यात यावेत अशी भावना व्यक्त केली आहे. अतिरिक्त आयुक्त वीणा पवार यांनी याप्रसंगी बोलताना, आयुक्त डॉ सचिन ओम्बेसे यांच्या मार्गदर्शनाखाली “सर्व सोलापूरकरांनी या महत्त्वपूर्ण संकल्पनेला जो प्रतिसाद दिला, त्याबद्दल. स्वच्छ व सुंदर सोलापूर ही संकल्पना यशस्वी करण्यासाठी महानगरपालिका अशाच पद्धतीने कटिबद्ध राहील,” असे सांगितले.
गीता नगर बाग. 12
सिद्धेश्वर लेक फ्रंट पठाण गेट. 318
सिद्धेश्वर लेक फ्रंट गणपती घाट. 241
मार्कंडेय. 150
राणी लक्ष्मीबाई उद्यान येथील 230
कंबर तलाव बोटिंग घट केंद्र. 150
रूपाभवानी उद्यान. 47
वाल्मिकी उद्यान. 34
इतर बागेत. 0
एकूण. 1182
