अश्विनी सहकारी रुग्णालय आणि संशोधन केंद्र नियमित येथे स्त्री रोग व प्रसूतीशास्त्र विभागात नवीन उच्च अवलंबित्व चा शुभारंभ
सोलापूर – अश्विनी सहकारी रुग्णालय आणि संशोधन केंद्र नियमित, सोलापूर 3 ऑक्टोबर 2025 रोजी स्त्री रोग व प्रसूती शास्त्र विभागामध्ये High Dependency Unit चे उद्घाटन स्त्री व प्रसूतीशास्त्र तज्ञ डॉ.सुमन सरदेसाई व डॉ.बकुळ जहागीरदार यांच्या शुभहस्ते झाले. याप्रसंगी अश्विनी सहकारी रुग्णालयाचे मा.चेअरमन बिपीनभाई पटेल, संचालक जयेशभाई पटेल, संचालक अशोक लांबतुरे, वैद्यकीय अधिक्षक डॉ.प्रशांत औरंगाबादकर, प्रशासकीय अधिकारी सचिन बिज्जरगी आणि अधिकारी, कर्मचारीवर्ग उपस्थित होते. अश्विनी सहकारी रुग्णालयामध्ये स्त्री व प्रसूती रुग्णांसाठी गायनेक वॉर्ड कार्यरत आहे.गायनेक वॉर्डाबरोबरच गायनेक High Dependency Unit ची आवश्यकता लक्षात घेऊन दि. 3 ऑक्टोबर 2025 पासून रुग्णसेवेमध्ये कार्यान्वित करण्यात आलेले आहे. या High Dependency Unit चे दर आयसीयु पेक्षा कमी आहेत.
या High Dependency Unit मध्ये High Risk गरोदर मातांवर विशेष देखभालीखाली उपचार केले जाणार आहेत. या विभागामध्ये अत्याधुनिक वैद्यकीय उपकरणे उपलब्ध करुन देण्यात आलेली आहेत. काही गरोदर मातांना उच्च रक्तदाब, रक्तातील साखरेची पातळी वाढणे किंवा गरोदरपणामध्ये इतर गुंतागुंत निर्माण होण्याची शक्यता असते. काही गरोदर मातांमध्ये अशा विविध कारणांमुळे प्रसूतीच्या वेळी High Risk असते. अशा गरोदर मातांची प्रसूती सुलभ व सुखरुपपणे होणेसाठी हे युनिट एक वरदानच ठरणार आहे. अति धोक्याच्या गरोदर मातांच्या प्रसूतीच्या वेळी दगावण्याचे प्रमाण कमी करण्याचा प्रयत्न आहे. अश्विनी सहकारी रुग्णालयातील स्त्री रोग व प्रसूती शास्त्र विभागाचे विभागप्रमुख डॉ. सुमन सरदेसाई यांच्या मार्गदर्शनाखाली डॉ. बकुळ जहागीरदार, डॉ. सुर्यप्रकाश कारंडे, डॉ. अर्चना शहा व इतर डॉक्टर्स हे रुग्णांवर उपचार करणार आहेत.
अश्विनी सहकारी रुग्णालय आणि संशोधन केंद्र नियमित, सोलापूर हे मल्टी सुपर स्पेशालिटी व Tertiary Care रुग्णालय म्हणून कार्यरत आहे. अश्विनी सहकारी रुग्णालय NABH मानांकीत असून त्यानुसार गुणवत्ता प्रणाली राबवित आहे. High Dependency Unit चे नवीन युनिट हे NABH Standards च्या आवश्यकतेनुसार सुरु केलेले आहे.
अश्विनी सहकारी रुग्णालयामध्ये एकाच छताखाली रुग्णांसाठी सर्व प्रकारच्या सोयी सुविधा उपलब्ध आहेत. अश्विनी सहकारी रुग्णालयाचे चेअरमन बिपीनभाई पटेल यांच्या मार्गदर्शनाखाली नेहमीच रुग्णांच्या सोयीसाठी नवनवीन विभाग सुरु करण्यात येत आहेत. याचा गरजू रुग्णांनी लाभ घ्यावा असे आवाहन अश्विनी सहकारी रुग्णालयाने केले आहे.
