सोलापुर – सोलापुरात दसऱ्यानिमित्त दिलीपराव माने विचार मंचच्या वतीने गुरुवारी सायंकाळी जुळे सोलापुरातील केएलई शाळेच्या मैदानावर ४० फुटी रावण प्रतिकात्मक पुतळा दहनाचा कार्यक्रम पार पडला.प्रारंभी कृषी उत्पन्न बाजार समितीचे सभापती दिलीप माने यांच्या हस्ते उद्घाटन करण्यात आले.
भारती विद्यापीठ तेकेएलई मैदानापर्यंत शोभायात्रा काढण्यात आली. राम, लक्ष्मण, सीता यांची बग्गीतून मिरवणूक काढण्यात आली. पारंपारिक वाद्यांसह कर्नाटकातील बाहुल्यांचेही शोभायात्रेत आकर्षण होते. या सोहळ्यालाशहरातील रामभक्तांनी मोठी गर्दी केली होती. रावण दहनाच्या कार्यक्रमात विविध संदेशाचे फलकही झळकले. दुर्जनाचा नाश करण्याचे प्रतिक म्हणून रावण दहन उपक्रम आयोजित करण्यात आल्याचे
माजी आमदार दिलीप माने म्हणाले. अपर पोलीस अधीक्षक प्रितम यावलकर, डॉ. कीर्ती गोळवलकर, डॉ. प्रशांत गाडे, डॉ. स्नेहासिंग रोडा, युवा नेते डॉ. पृथ्वीराज माने आदी मान्यवर उपस्थित होते.
