सोलापूर : एसटी बस अपघाताची मालिका सुरूच आहे. सोलापूर -तुळजापूर महामार्गावर एसटी बसचा अपघात झाला आहे. चालकाचे स्टेअरिंगवरील नियंत्रण सुटल्यानं हा अपघात झाल्याची माहिती समोर येत आहे. चालकाचं नियंत्रण सुटल्यानं बस रोडच्या कडेला असलेल्या खड्ड्यात जाऊन आदळली. या अपघातामध्ये सहा प्रवासी किरकोळ जखमी झाले आहेत.
घटनेबाबत अधिक माहिती अशी की, मंगळवारी दुपारच्या सुमारास सोलापूर – तुळजापूर महामार्गावर एसटी बसचा अपघात घडला आहे. चालकाचं वाहनावरील नियंत्रण सुटल्यानं हा अपघात झाला. नियंत्रण सुटल्यानं बस रोडच्या कडेला असलेल्या खड्ड्यात आदळली. या घटनेत प्रवाशांना किरकोळ दुखापत झाली आहे. सहा प्रवासी जखमी झाले आहेत.
सोलापूर तुळजापूर महामार्गावरील कासेगाव परिसरात हा अपघात झाला आहे. या एसटी बसमधून पुणे, कर्नाटक आणि मराठवाड्यातील प्रवासी प्रवास करत होते. अचानक घडलेल्या या प्रकारामुळे प्रवाशांमध्ये एकच गोंधळ उडाला. या अपघातामध्ये सहा प्रवासी जखमी झाले आहेत. या अपघाताची नोंद सिव्हील पोलीस चौकीत करण्यात आली आहे. दरम्यान या अपघातामध्ये बसचं देखील मोठं नुकसान झालं आहे. बसचा समोरचा भाग डॅमेज झाला आहे.
