रमजानच्या पवित्र महिन्यात सौदी अरेबियातील एक वाईट बातमी समोर आली आहे. रमजानच्या पहिल्या आठवड्यातच सौदी अरेबियात उमराह करण्यासाठी गेलेल्या बसचा भीषण अपघात झाला आहे. या भीषण अपघातात 20 मुस्लिम बांधवांचा दुर्दैवी मृत्यू झाला आहे. बस डोंगराळ भागातून जात असताना ब्रेक फेल झाल्याने पुलावर आदळली आणि बसला आग लागली.
मुस्लिम बांधव उमराहसाठी पवित्र शहर मक्का येथे यात्रेकरूंना घेऊन जाणाऱ्या बसला अपघात झाला. या अपघातात वीस यात्रेकरूचा दुर्दैवी मृत्यू झाला आहे. तसेच या अपघातात सुमारे 25 हून अधिक जण जखमी झाले आहेत. सौदी अरेबियाच्या दक्षिणेकडील असीर राज्यात हा अपघात झाला आहे.
