आज रथ मिरवणुकीत भाविकांनी सहभागी होण्याचे आवाहन
सोलापूर : श्री सद्गुरू प्रभाकर स्वामी महाराज यांच्या ६६ व्या पुण्यतिथी महोत्सवानिमित्त मंगळवारी दिवसभर हजारो भाविकांना लाडू प्रसादाचे वाटप करण्यात आले. पोलीस उपायुक्त (परिमंडळ) विजय कबाडे त्यांच्या हस्ते आणि जोडभावी पेठ पोलीस ठाण्याचे वरिष्ठ पोलीस निरीक्षक राजेंद्र करणकोट यांच्या प्रमुख उपस्थितीत प्रसाद वाटप झाले.
प्रारंभी सकाळी सद्गुरु श्री प्रभाकर स्वामी महाराजांची पूजा करण्यात आली. यानंतर भाविकांनी दर्शन घेतले आणि भाविकांना प्रसाद वाटप करण्यात आला.
उद्या (बुधवारी) रोजी श्री सद्गुरू प्रभाकर महाराज मंदिरापासून रथ मिरवणूक निघणार आहे. पोलीस उपायुक्त (गुन्हे शाखा) डॉ. दिपाली काळे यांच्या हस्ते प्रारंभी सकाळी ११ वाजता पालखी पूजा करण्यात येणार आहे. यानंतर तब्बल १० तास चालणाऱ्या रथ मिरवणुकीस प्रारंभ होणार आहे. या मिरवणुकीत सजवलेली पालखी, सजवलेला रथ, बँड पथक, बग्गी, भजनी मंडळे, आदींचा समावेश असणार आहे.
पुण्यतिथी महोत्सवानिमित्त होणाऱ्या पालखी पूजा, रथ मिरवणुकीत भाविकांनी सहभागी व्हावे, असे आवाहन ट्रस्टी उदय वैद्य यांनी याप्रसंगी केले. यावेळी श्री सद्गुरू प्रभाकर स्वामी महाराज मंदिर ट्रस्टचे चीफ ट्रस्टी दत्तात्रय देशमुख, मॅनेजिंग ट्रस्टी बाळकृष्ण शिंगाडे, ट्रस्टी उदय वैद्य वसंत बंडगर, ट्रस्टी सदस्य वामन वाघचौरे, मोहन बोड्डू, रवी गुंड, सम्राट राऊत, रमेश देशमुख, रामभाऊ कटकधोंड, प्रभाकर कुलकर्णी, सुभाष बद्दूरकर, प्रकाश कोथिंबीरे, व्यवस्थापक निरंजन दंतकाळे आदी उपस्थित होते.
भाविक ओढणार रथ
श्री सद्गुरू प्रभाकर स्वामी महाराज पुण्यतिथीनिमित्त निघणाऱ्या रथयात्रेतील रथ भाविकांनी ओढण्याची परंपरा आहे. त्यानुसार यंदाच्याहीवर्षी तब्बल १० तास भाविक रथ ओढत ही रथ मिरवणूक पूर्ण करणार आहेत.
