मायक्रोसॉफ्ट कडून प्रथम क्रमांकाचा पुरस्कार जाहीर 37 देशातील विद्यार्थी सहभागी
येस न्युज मराठी नेटवर्क : सोलापूर येथील श्री यशवंत शिक्षण प्रसारक मंडळ संचलित, शरदचंद्र पवार प्रशाला, सोलापूर या शाळेतील 75 विद्यार्थ्यांचा सहभाग असलेल्या Rise Up 4 E-waste या आंतरराष्ट्रीय प्रकल्पाला मायक्रोसॉफ्टकडून प्रथम क्रमांकाचा पुरस्कार जाहीर झाला आहे. मायक्रोसॉफ्ट तर्फे taech for good challenge अंतर्गत 2022 सालासाठी विविध पुरस्कारांची घोषणा करण्यात आली. यामध्ये good health and well being विभागांमध्ये Rise Up 4 E-waste या प्रकल्पाला प्रथम क्रमांकाचा पुरस्कार जाहीर करण्यात आला.
या आंतरराष्ट्रीय प्रकल्पांमध्ये 37 देशातील 340 शिक्षक व 4010 विद्यार्थी सहभागी झाले होते. 1 डिसेंबर ते 28 फेब्रुवारी अखेर हा प्रकल्प राबवण्यात आला. या प्रकल्पाच्या माध्यमातून इलेक्ट्रॉनिक कचरा याविषयी जनजागृती करणे त्याच बरोबर इलेक्ट्रॉनिक कचरा गोळा करून पुन्हा रिसायकल करणे या संदर्भात जनजागृती करण्यात आली. यासाठी विविध उपक्रमांचे आयोजन करण्यात आले.
पंजाब येथील परमजीत कौर (जालंदर) कोल्हापूरचे डॉ. बी. बी. पाटील, मलेशियातील निर्मलादेवी कांदास्वामी, रोमानिया येथील लोरा स्तांसिऊ या प्रतिनिधीनी हा प्रकल्प मायक्रोसॉफ्ट समोर मांडला होता. यामध्ये समन्वयक म्हणून शरदचंद्र पवार प्रशालेचे मुख्याध्यापक तानाजी माने यांनी काम पाहिले.शाळेतील सहाय्यक शिक्षकआनंद कोळी, शरदचंद्र पवार, अर्चना शिंदे यांच्यासह शाळेतील 75 विद्यार्थ्यांचा सहभाग या प्रकल्पामध्ये होता. या सर्वांना सन्मानपत्र देऊन गौरविण्यात आले. संगणकाचे विविध भाग, स्मार्ट टीव्ही, इलेक्ट्रिक वस्तू यांच्या माध्यमातून मोठ्या प्रमाणात कचरा तयार होत आहे. त्याच्यामुळे सजीव सृष्टी कशी संपुष्टात येत आहे याचे सादरीकरण केले.
विदयार्थ्यांना योग्य मार्गदर्शन मिळाल्याने ते आंतरराष्ट्रीय स्तरावरील प्रकल्पामध्ये महत्वपूर्ण योगदान देऊ शकले .या बद्दल मार्गदर्शन केलेल्या सर्व शिक्षकांचे व सहभागी विद्यार्थ्यांचे संस्थाध्यक्ष मनोहर सपाटे , सचिव डॉ. अनिल बारबोले ,शालेय समिती अध्यक्ष चिंतामणी सपाटे , संस्थेचे संचालक ज्ञानेश्वर सपाटे , मुख्याध्यापक तानाजी माने यांनी अभिनंदन केले.
