सोलापूर : डॉ. आंबेडकर जयंती उत्सवासाठी मंडळांनी ऑनलाइन नोंदणी करावी

सोलापूर : डॉ. बाबासाहेब आंबेडकर जयंती उत्सव १४ ते १७ एप्रिल या दरम्यान होणार आहे. १७ एप्रिल रोजी मध्यवर्ती मंडळ अंतर्गत मिरवणूक निघतात. उत्सव व मिरवणूक काढणारे मंडळ यांना पोलिस, महापालिकेकडून परवानगी घ्यावी लागत होती. यात वेळ जातो. यामुळे पोलीस प्रशासनाने एकत्रित नोंदणीसाठी संकेतस्थळ सुरू केले आहे.
www.solapurCityutsav parwana.com या संकेत स्थळावर नोंदणी करता येईल. या लिंकवर क्लिक केल्यावर होम पेज ओपन होईल. उत्सव निवडा. परवाना अर्जासाठी क्लिक करा. मंडळाची माहिती भरून सबमीट केल्यास ओटीपी येईल. व्हेरीफाय केल्यानंतर फॉर्म सबमिट करावा. लॉगिन पेज ओपन होईल. त्यानंतर यूजर आयडी या ठिकाणी आपला मोबाईल क्रमांक टाकावा. पासवर्ड टाकावा. त्यानंतर मुख्य परवाना अर्ज ओपन होईल. अर्ज भरण्यास काही अडचण असल्यास (८९८३८३९१४३) येथे संपर्क करावा, असे आवाहन पोलिस उपायुक्त बापू बांगर यांनी केले आहे.