येस न्युज नेटवर्क : गोवा विधानसभा निवडणुकीत भाजपने पुन्हा एकदा बाजी मारत 20 जागा जिंकल्या आहे. मात्र गोव्यात विजयानंतर मुख्यमंत्री कोण होणार याची चर्चा गेल्या काही दिवसांपासून सुरू आहे. याचदरम्यान प्रमोद सावंत हेच गोव्याचे मुख्यमंत्री असतील, अशी बातमी समोर आली आहे. गोव्याच्या भाजप आमदारांनी पक्षाच्या बैठकीत मुख्यमंत्री म्हणून प्रमोद सावंत यांच्या नावाची औपचारिक घोषणा केली जाणार आहे.
याआधी गोवा विधानसभेच्या 39 नवनिर्वाचित सदस्यांनी मंगळवारी शपथ घेतली. नवीन सदस्यांना शपथ देण्यासाठी राज्यपाल पीएस श्रीधरन पिल्लई यांनी मंगळवारी विधानसभेचे अधिवेशन बोलावले होते. श्रीधरन यांनी विधानसभेच्या अधिवेशनापूर्वी सोमवारी नवनिर्वाचित आमदार गणेश गावकर यांना हंगामी अध्यक्ष म्हणून शपथ दिली. 40 सदस्यीय गोवा विधानसभेसाठी 14 फेब्रुवारी रोजी मतदान झाले आणि 10 मार्च रोजी निकाल जाहीर झाला.
