मै हु डॉन ! महापालिका आयुक्तांच्या ताब्यात ; लोकप्रतिनिधींचे अधिकार संपुष्टात…

सोलापूर महापालिकेतील नगरसेवक पदाधिकारी आणि महापौरांची मुदत काल संपुष्टात आली आहे .अजूनही निवडणुकांत बाबत संभ्रम आहे. त्यामुळे आता महापालिकेतील लोकप्रतिनिधींचे अधिकार संपुष्टात आले असून सर्व कारभार महापालिका आयुक्तांच्या हातात आला आहे . शासनाने देखील आज पासून महापालिकेवर आयुक्त हे प्रशासक म्हणून काम करतील असे आदेश काढले आहेत .म्हणजेच स्थायी समिती तसेच सर्वसाधारण समिती स्थापत्य समिती आदींचे सर्व अधिकार आयुक्तांना आले आहेत. त्यामुळे सोलापूर महापालिकेत तब्बल 37 वर्षानंतर प्रशासकीय कारकीर्द लागू झाली आहे. 1981 ते 1985 दरम्यान ही महापालिका प्रशासनाच्या ताब्यात होती. त्यामुळे आजपासून महापालिकेतील विविध दालनाचा वापर करणे, महापालिकेचा गाड्यांचा वापर , तसेच मोबाईलचा वापर करणे , महापालिकेच्या खर्चातून उद्घाटन भूमिपूजन समारंभ करणे, महापालिका आयुक्तांना बैठकीला बोलवणे यावर नगरसेवकांना आपोआप बंदी आली आहे. त्यामुळे आता महापालिकेचे सर्वाधिकार प्रशासनाच्या हातात आले आहेत.