मुंबई : भारताला एथलेटिक्समध्ये सुवर्णपदक मिळवून देत नीरज चोप्राने स्वत:सह कोट्यवधी भारतीयांच स्वप्न पूर्ण केले . टोक्यो ऑलिम्पिकमध्ये नीरजने भालाफेक स्पर्धेच्या अंतिम सामन्यात 87.53 मीटर दूर भाला फेकत सुवर्णपदकाला गवासनी घातली. त्याच्या आसपासही कोणता खेळाडू पोहचू शकला नसल्याने त्याने दिमाखात सुवर्णपदकावर आपले नाव कोरले . भालाफेक खेळातील हा सर्वोच्च मान मिळाल्यानंतर नीरजने जागतिक क्रमवारीतही आपल्यासह देशाचे नाव वर पोहचवत थेट दुसऱ्या स्थानी झेप घेतली आहे.
नीरजने पुरुष भालाफेकीच्या जागतिक क्रमवारीत 1315 गुण मिळवत थेट दुसऱ्या स्थानी झेप घेतली आहे. त्याच्या पुढे केवळ जर्मनीचा जोहान्स हा 1396 गुणांसहित पहिल्या क्रमांकावर आहे. नीरजच्या या कामगिरीमुळे सर्वच स्तरातून त्याचे कौतुक होत आहे. काही दिवसांपूर्वीच नीरजने त्याच्या आगामी प्लॅनबद्दलही सांगितले होते . 87.53 मीटर दूर भाला फेकत सुवर्णपदक जिंकल्यानंतर आता आता लक्ष्य 90 मीटर भाला फेंकत वर्ल्ड रेकॉर्ड तोडणे असल्याचे तो म्हणाला होता.भालाफेकीत नीरज चोप्राने सुरुवातच धडाकेबाज केली. नीराजने पहिल्याच प्रयत्नात 87.03 मी इतका भालाफेक केला. दुसऱ्या वेळी त्याने 87.58 मी इतका लांब भाला फेक करुन आपलं पहिलं स्थान कायम ठेवलं. तिसऱ्या थ्रोमध्ये 76.79 मीटर थ्रो फेकला तरी अद्यारपही त्याची आघाडी कायम होती. त्यानंतर त्याचा चौथा आणि पाचवा थ्रो फाऊल ठरला. पण त्याने सहाव्या प्रयत्नाआधीच सुवर्णपदक खिशात घातले होते . त्यामुळे नीरजचा 84 मीटर लांबीचा सहावा थ्रो केवळ औपचारिकता ठरली. टोक्यो ऑलिम्पिकमध्ये भारताला मिळालेले हे पहिले सुवर्णपदक ठरले .
