सोलापुरात ९४ व्यक्तींना नव्याने कोरोना, १९२ व्यक्ती कोरोनामुक्त

येस न्युज मराठी नेटवर्क : सोलापूर शहरातील १५ मे रोजी चा covid-19 चा अहवाल प्राप्त झाला असून नव्याने ९४ व्यक्तींना कोरोनाची लागण झाल्याचे स्पष्ट झाले आहे. रुग्णालयातून कोरोनामुक्त होऊन घरी परतलेल्या रुग्णांची संख्या १९२ आहे. शुक्रवारी रात्री बारा वाजेपर्यंत संपलेल्या चोवीस तासात ७ जणांचा मृत्यू ओढवला आहे. बाधित रुग्णांचा प्रभाग निहाय आढावा घेतला असता प्रभाग क्रमांक २४ मध्ये १७, प्रभाग २५ मध्ये ११, प्रभाग २६ मध्ये १० , प्रभाग २३ मध्ये ११ असे नवीन रुग्ण आढळले आहेत.