सोलापूर शहरात १४० बाधित, २२५ कोरोनामुक्त

येस न्युज मराठी नेटवर्क : सोलापूर शहराचा ११ मे रोजी चा covid-19 चा अहवाल महापालिकेकडून प्राप्त झाला आहे. शहरातील १४० व्यक्तींना नव्याने कोरोना ची बाधा झाली आहे. सोमवारी रात्री बारा वाजेपर्यंत संपलेल्या चोवीस तासात शहरातील ११ व्यक्तींचा कोरोनामुळे मृत्यू झाला आहे. या कालावधीत रुग्णालयातून बरे होऊन घरी परतलेल्या व्यक्तींची संख्या २२५ आहे. प्रभागनिहाय नवीन कोरोना बाधितांचे गोषवारा घेतल्यास प्रभाग क्रमांक २४ मध्ये सर्वाधिक २८ आणि प्रभाग क्रमांक २३ मध्ये १४ तर प्रभाग क्रमांक २५ मध्ये १३ आणि प्रभाग क्रमांक २६ मध्ये अकरा नवीन रुग्ण आढळले आहेत. मृतांमध्ये सर्वात कमी वयाची महिला 30 वर्षांची असून की जुळे सोलापूर परिसरातील सुयोग नगर येथील आहे. चाळीस पेक्षा कमी वयाच्या व्यक्ती लवकरात लवकर rt-pcr चाचणी करून घेत नसल्याने उपचारांना उशीर होत असल्याचे महापालिकेच्या वैद्यकीय अधिकाऱ्यांनी म्हटले आहे.