येस न्युज मराठी नेटवर्क : सोलापूर जिल्ह्याचा कोविड-19 चा ४ मे रोजी चा अहवाल प्राप्त झाला असून अकरा तालुक्यांमध्ये १८४१ व्यक्तींना नव्याने कोरोनाची बाधा झाली आहे. सोमवारी रात्री बारा वाजेपर्यंत संपलेल्या चोवीस तासात २९ जणांचा जिल्ह्यात मृत्यू झाला आहे . याच कालावधीत १२७३ व्यक्ती रुग्णालयातून कोरोना मुक्त होऊन घरी परतल्या आहेत. जिल्ह्यातील माळशिरस तालुक्यात नव्याने ३४८ व्यक्तींना कोरोनाची बाधा झाली आहे .मंगळवेढा तालुक्यात ३२६, पंढरपूर तालुक्यात २५५, बार्शी मध्ये २३०,करमाळ्यात १४२ ,माढा तालुक्यात १७९, सांगोला तालुक्यात १२२ आणि मोहोळ तालुक्यात ११५ व्यक्तींना कोरोनाची बाधा झाली आहे. अक्कलकोट , दक्षिण सोलापूर आणि उत्तर सोलापूर एवढे तीन तालुके वगळता इतर आठ तालुक्यात कोरोनाचे रुग्ण अजूनही वाढत असल्यामुळे जिल्हा प्रशासनाचे चिंता वाढली आहे.
