येस न्युज मराठी नेटवर्क : एमआयडीसी पोलिस ठाण्याच्या हद्दीत १६ एप्रिल रोजी दुपारी एक वाजल्यापासून १७एप्रिल रोजी सकाळी साडेसहा वाजेपर्यंत घर फोडून ८५ हजार रुपयांचा ऐवज चोरून नेण्यात आला आहे. याप्रकरणी शोभराज सोमशंकर जेऊरे यांनी तक्रार दाखल केली आहे. अक्कलकोट रोडवरील सुतमिल पाठीमागील किसान नगर जवळ जेउरे हे राहतात. जेवरे हे घरास कुलूप लावून कुटुंबासह भाऊजींच्या घरी शेळगी येथे कार्यक्रम असल्यामुळे गेले होते . अज्ञात चोरट्याने या संधीचा फायदा उठवत मुख्य दरवाजाचे कुलूप तोडून घराच्या हॉलमधील लोखंडी तिजोरी चा दरवाजा उचकटून कपाटातील लॉकर ड्रावर मधील माल चोरून नेला आहे . यामध्ये २७ ग्रॅम वजनाचे सोन्याचे गंठण , सात ग्रॅम चे सोन्याचे मणी मंगळसूत्र , पाच ग्रॅम वजनाचे सोन्याचे कानातले , पाच तोळे वजनाचे चांदीचे पायातील पैंजण आणि एक तोळा वजनाचे चांदीचे पायातले जोडवे असा एकूण सुमारे ८५ हजार रुपयांचा मान लंपास करण्यात आला आहे. एमआयडीसी पोलीस ठाण्याचे सहाय्यक पोलीस निरीक्षक खांडेकर या चोरी प्रकरणी अधिक तपास करीत आहेत.
