दीड लाखांची घरफोडी

येस न्युज मराठी नेटवर्क : एमआयडीसी पोलिस ठाण्याच्या हद्दीत हैदराबाद रस्त्यावरील मंत्री चंडक अंगण येथे 12 एप्रिल ते चौदा एप्रिल दरम्यान एक लाख 52 हजाराची चोरी झाल्याची फिर्याद बाबू काशीराम राठोड यांनी पोलिसांकडे केली आहे. 12 एप्रिल रोजी दुपारी साडे पाच वाजल्यापासून 14 एप्रिल रोजी दुपारी दोन वाजेपर्यंत बाबू राठोड व त्यांच्या आसपासच्या घरातील लोक परगावी गेले होते . ही संधी साधून अज्ञात चोरट्याने राठोड यांच्या घराच्या दरवाजाचा कोयंडा उचकटून 35 ग्रॅम च्या रांगोळ्या एक तोळ्याचे मंगळसूत्र आणि बत्तीस हजार रुपये रोख असा एक लाख 52 हजार रुपयांचा माल पळवून नेला आहे. राठोड यांच्या घराशेजारील धर्मदेव शिंदे यांच्याकडील दागिने तसेच रवी सोपान गोरे यांच्याकडील रोख रक्कम देखील याच कालावधीत चोरीस गेल्याचे सहाय्यक पोलीस निरीक्षक खांडेकर यांनी स्पष्ट केले. याप्रकरणी एमआयडीसीचे सहाय्यक पोलीस निरीक्षक खांडेकर अधिक तपास करीत आहेत.