कर्नाटकमधील जलसंवर्धन मंत्री अडचणीत

येस न्युज मराठी नेटवर्क : कर्नाटकमध्ये भारतीय जनता पार्टीच्या बी एस येडियुरप्पा यांच्या सरकारसमोर नवीन संकट निर्माण झाले आहे. जलसंवर्धन मंत्री रमेश जारकीहोली आणि एका अज्ञात महिलेचा व्हिडीओ समोर आला आहे. समाजसेवक असणाऱ्या दिनेश कालाहल्ली यांनी बेंगळुरुमधील कब्बन पार्क पोलीस स्थानकामध्ये तक्रार दाखल केली आहे. या तक्रारीमध्ये व्हायरल व्हिडीओमधील मंत्री नोकरी देण्याच्या नावाखाली महिलेचे शोषण करण्याचा प्रयत्न करत आहे, असा आरोप करण्यात आला आहे .पोलीस उपायुक्त एम. एन. अनुचेथ यांनी दिलेल्या माहितीनुसार पोलीस सध्या मिळालेल्या तक्रारीमध्ये किती सत्यता आहे हे तपासून पाहत आहेत . प्राथमिक शिक्षण मंत्री सुरे कुमार यांनी, “पक्षातील नेते यासंदर्भातील निर्णय घेतील,” असे म्हटले आहे