नवी दिल्ली : कोरोनामुळे अमेरिकन अर्थव्यवस्थेलाही फटका बसलाय. अमेरिकन अर्थव्यवस्था भारतापेक्षा 7 पट मोठी आहे आणि तिचा आवाका 21 ट्रिलियन डॉलर एवढा आहे. एका अहवालानुसार जगातील सर्वात मोठ्या अर्थव्यवस्थेवरील कर्जाचा बोजा 29 ट्रिलियन डॉलर (29 लाख करोड डॉलर) पर्यंत पोहोचलाय. भारतीय अर्थव्यवस्थेपेक्षा हे दहा पट जास्त आहे. अमेरिकेने भारताकडून 216 अब्ज डॉलर्स (सुमारे 15 लाख कोटी) कर्जही घेतले आहे. 2020 मध्ये अमेरिकेवर राष्ट्रीय कर्ज 23.4 ट्रिलियन डॉलर्स होते. यानुसार प्रत्येक अमेरिकेचे 72309 डॉलर्स (52 लाखांहून अधिक) चे कर्ज होते.
या अहवालानंतर प्रत्येक अमेरिकन व्यक्तीवर सध्या सुमारे 84000 डॉलर्स (60 लाख रुपयांपेक्षा जास्त) चे कर्ज आहे. अमेरिकन कॉंग्रेस Alex Mooney म्हणाले की, अमेरिकेने चीन आणि जपानकडून जास्तीत जास्त कर्ज घेतलेय, जे त्यांचे मित्र देशही नाहीत. मूनी म्हणाले की, चीन ही अमेरिकेसाठी नेहमीच स्पर्धात्मक देश राहिलाय. अमेरिकेने चीन आणि जपान या देशांकडून 1-1 ट्रिलियन डॉलर्सचे कर्ज घेतले आहे. कर्जाचा वाढता बोजा लक्षात घेऊन कॉंग्रेस मूनी यांनी 1.9 ट्रिलियन डॉलरच्या नव्या मदत पॅकेजला विरोध केलाय.
