अवकाश विज्ञानाशी जवळीक साधण्याची अनोखी संधी!
सोलापूर — भारताच्या अवकाशयात्रेच्या स्वप्नाशी विद्यार्थ्यांची कल्पनाशक्ती जोडणारा एक अद्वितीय क्षण वालचंद इन्स्टिट्यूट ऑफ टेक्नॉलॉजी (WIT), सोलापूर येथे अनुभवायला मिळाला. वर्ल्ड स्पेस वीक २०२५ निमित्त भारतीय अंतराळ संशोधन संस्था (ISRO), बेंगळुरू यांच्या मार्गदर्शनाखाली आणि WIT च्या सहकार्याने आयोजित केलेल्या ‘इस्रो प्रदर्शन व स्पर्धा’ या कार्यक्रमात तब्बल १२५ शाळांनी सहभाग नोंदविला, तर विविध स्पर्धांमध्ये २७०६ विद्यार्थी उतरले. त्याशिवाय १५०० हून अधिक विद्यार्थी, शिक्षक आणि पालकांनी प्रदर्शनाला भेट देऊन अवकाश संशोधनाच्या अद्भुत विश्वात डोकावले. अशा रीतीने, एकूण ४००० हून अधिक विज्ञानप्रेमींनी या ऐतिहासिक कार्यक्रमाचा लाभ घेतला!
रॉकेट्स, उपग्रह आणि अंतराळयानांची आकर्षक मॉडेल्स पाहताना विद्यार्थी मंत्रमुग्ध झाले. प्रत्येकाच्या डोळ्यात भारताच्या वैज्ञानिक प्रगतीचा अभिमान आणि भविष्यात इस्रोचा भाग होण्याचे स्वप्न झळकत होते.
स्पर्धांमधील विजेते विद्यार्थी पुढील प्रमाणे –
प्रश्नमंजुषा (Quiz Competition) प्रथम श्रुती माने, संस्कृती इरळापल्ले, संहिता गद्रे (एल. व्ही. एम. मेहता हायस्कूल), द्वितीय : सुजल जैस्वाल, राजवीर रानसिंग, गायत्री नारवडे (पोदार इंटरनॅशनल स्कूल), तृतीय : तनय राऊत, समर्थ शिंदे, दिग्विजय सुरवसे (श्री दिगंबर जैन गुरुकुल हायस्कूल)
मेमरी टेस्ट (Memory Test) प्रथम : विश्वभारती अंधारे (एल. व्ही. एम. मेहता हायस्कूल), द्वितीय : पलक छाजेड (नागेश करजगी ऑर्किड स्कूल), तृतीय : मोहम्मद झकी रंगरेज (नवजीवन इंग्लिश स्कूल)
पिक अँड स्पीक (Pick and Speak) प्रथम : राधिका गजरे (एल. व्ही. एम. मेहता हायस्कूल), द्वितीय : अखिलेश कोरे (श्री सिद्धेश्वर इंग्लिश मीडियम हायस्कूल), तृतीय : श्रुष्टी शिंदे (श्री शिवाजी विद्यालय, कारी, ता. बार्शी), सर्व सहभागी विद्यार्थ्यांना इस्रोतर्फे विशेष किट्स आणि गिफ्ट्स, तर विजेत्यांना इस्रो, बेंगळुरू तर्फे प्रमाणपत्र देण्यात आले .
या कार्यक्रमाच्या बक्षीस वितरण समारंभास इस्रोचे ज्येष्ठ वैज्ञानिक चिदंबरम कुलकर्णी, डॉ. व्यंकटेश यांच्यासह डब्ल्यू.आय.टी.चे प्राचार्य डॉ. एम. एल. आर. जे. लोबो, इस्रो प्रदर्शनाचे समन्वयक डॉ. विपुल कोंडेकर, डॉ. भाग्येश देशमुख, आणि डॉ. नितीन ग्रामोपाध्ये उपस्थित होते.
अवकाश विज्ञानाची उंच भरारी घेण्यासाठी विद्यार्थ्यांच्या कल्पनाशक्तीला गती देणारा हा उपक्रम ठरला. रॉकेट्सच्या गर्जनेसारखीच विद्यार्थ्यांच्या मनातील जिज्ञासा आणि ऊर्जाही या प्रदर्शनातून झेपावली.
